Shillong, Risaw 14 : Ka Deputy Commissioner ka East Khasi Hills, kala pynjari da ka kyndon 163 BNSS ba pyrrkhing ia ka jingiaid ki kali nalor ki lai tylli ki jingkieng ha ki jaka khappud ka District kynthup ia ka jingkieng Umpung.
Kine ki jingkieng ki kynthup ia ka Jingkieng Umpung ha surok Balat-Bagli, ka Jingkieng dieng jong ka wah Dakni ha Balat kaba don ha surok Mawphlang-Balat bad ka Jingkieng dieng ha Wahjapuh kaba don ha ka surok Ichamati-Bholaganj.
Kat kum ka jingpynbna, ka Deputy Commissioner kala pyntip ba kine ki jingkieng ki dei kiba la shongtor bad kumta ka long kaba donkam ban pyrrkhing noh ia ka jingkhia jong ki kali kiba iaid na kine ki jingkieng nalor ka jingiaid sted kumjuh.
Kat kum ka hukum, la shah ban iaid lyngba kine ki jingkieng tang ia ki kali kiba khia hapoh ka 6 MT bad kiba iaid tang hapoh ka 15 KmPH ban kiar ia ka jingjulor.
Kala pynbna ba kane ka hukum kan treikam noh mardor tad haduh da pynmih da kawei pat ka hukum.
