Shillong, Nailar 17 : Ka Iingkashari Meghalaya High Court ha ka sngi Palei, kala pynwai noh ia ka PIL ba mudui pyrshah halor ka jingkhyllem jong ka kynroh ka PA Sangma Stadium ha Tura, West Garo Hills.
Ka hukum la pynmih da ka Iingkashari Division Bench ka ong ba na baroh ki kaiphod bala ioh, ka jingtei pat ia kane ka bynta ba twa kala iaid mynta bad kat kum ka jingong u Contractor, yn sa pyndep ia kane ka jingtei hapoh ka shibnai.
U Contractor ula ong ba ha ka jaka jong ka kynroh kaba don mynta, ka Jylla ka donkam ban pynkylla khyndiat bad ban nang pynheh ia ka stadium. Ai ba kan long kumta.
Ka Sorkar kala ai ia ka kaiphod lyngba u Chief Engineer ka State Sports Council Meghalaya halor ka surok kaba la pyllait ban iaid lynti marjan bad kane ka jaka ba khyllem jong ka stadium.
Ka paw na kine ki kaiphod ba ka Sorkar kala dep pynkhuid lut ia ka khyndew bad ki maw bad kane ka surok ka dei kaba la lahban pyndonkam. Hynrei, namar kane ka jingtei thymmai, ka Sorkar kala pyndonkam ia kawei pat ka surok ban pyniaid lynti bad ka kam jong kane, kala iaid shakhmat.
Pule lang ia kane: Ym don Kynhun Kaikhlaw thymmai ha Meghalaya; ong u Conrad halor ka jingkem ia ki NLCN
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
