Shillong, Jymmang 30 : U Myntri ka Tnad Food & Civil Supply Bah Comingone Ymbon ha ka sngi Thohdieng, ula iathuh ba ka Sorkar kala pyntreikam ia ka Open Market Scheme (OMS) ban tehlakam ia ka jingkiew dor ki marbam mardon ha kine ki ar-lai bnai bala leit noh.
Haba iakren bad ki nongthoh khubor, u Bah Coming ula ong ba dei namar kata, ka dor jong ki marbama kala hiar ha iew lait noh tang ki jhur namar ba dei ka aiom slap.
Haba kylli, u Myntri ula ong “Ka Sorkar Inndia ka don ia ka jingpyllang ia ki marbam (buffer stock) bad kala sam sha baroh ki Jylla lyngba ka Open Market Scheme ha kaba ka dor (u khaw) ka long tang T. 22.50 shi kilo. Kumta, mynta ngi la sam ia ki lyngba ki wholesaler jong ka Jylla. Ki lah ban die ruh ha iew kam don jingkhang satia”.
Halor ka jinghehdor ha ka jingwan pynpoi ia ki marr, u Bah Coming ula ong ba ka Sorkar ka don jingthmu ban shna ia ka jingkieng ba thymmai hajan ka Jingkieng Umiam ban weng noh ia kane ka jingeh.
“Kila sdang ia ka kam bad nga tharai bas a 6-7 bnai kin sa pyndep noh ia kane ka jingkieng” ula bynrap.
Nalor kane, u Myntri ula ong ruh ba ki bor ba peit thuh ia ka dor ka mur ki mar ki mata kila don ban tem ia ka jingkiew dor ki marbam hapoh ka Jylla.
Ha kajuh ka por,u Bah Coming ula ong ba ka Jylla ka don pahun ia ki marbam ba la buh lypa bad ka long kaba la pynkhreh ia kino kino ki jingjia lada jia ba wan lynshop u khniang thymmai jong ka jingpang Covid-19.
 ban tehlakam ia ka jingkiew dor ki marbam mardon ha kine ki ar-lai bnai bala leit noh.){kind=link}