Pyntip u Myntri Khynnah ban iohlang ka Meghalaya ia ka Project Gas Pipeline

Date:

Share post:

Shillong, Naitung 11: U Myntri Khynnah ka Tnad Petrolium bad National Gas, u Rameswar Teli ula pyntip ba ka Jylla Meghalaya ruh kan ioh bynta lang ha ka Gas pipeline project, kaba thmu ban pyniasoh ia baroh ki Jylla ka thain Shatei Lam Mihngi ka Ri.

Haba iakren bad ki nongthoh khubor ha Shillong, u Teli u pyntip ba lyngba ka Indradhanush Gas Grid Ltd (IGGL), ka joint venture jong ka India Oil, ONGC, Oil India bad Numaligarh Refinery, kala iaid shakhmat ban pyniaid ia ka gas pipeline ha baroh ki Jylla ka thain Shatei Lam Mihngi ha ki snem ban wan.

“Ha kane ka project, ka Sorkar India kala kynthup lang ia ka Meghalaya bad ia kane ka project yn pyniaid haduh ka Nongbah Shillong bad ngi la bthah ban pyniaid kham kloi noh ia kane ka project” ong u Teli.

U Teli u pyntip ba dang shen, ka Tnad kala khot tender ia ki san tylli ki block bad ka Meghalaya kam shym la shah kynthup ha kane ka project hynrei shen yn sa khot tender noh ia ki kam ba dei ha Jylla Meghalaya.

Une u Myntri Khynnah ula pyntip ba ka jingkiew dor khari khari jong ka umphniang hapoh ka Ri ka dei namar ka jingiai kiew dor jong ka Crude Oil ha ki Iew ka Pyrthei hynrei ka Sorkar Pdeng kala shim ia ki sienjam ba donkam ban tem ia kane ka jingkiew dor.

“Ka India ka thied haduh 83% ka umphniang bad Gas na shabar ka Ri bad lada don ka jingkiew ha ka dor ka mur ha ki Iew ka pyrthei, ngi ruh ngi hap ban pynkiew dor hangne” ula ong.

Une u Myntri Khynnah ula pyntip ba ka thong ban wad ia ki lad ki lynti ha ka thain Shatei Lam Mihngi ka long eh naka bynta ban lap ia ka jingdon ki par umphniang ba thymmai ha kylleng ki bynta jong ka Ri.

U Myntri ula bynrap ba ka thain Shatei Lam Mihngi kam dei shuh kaba dang thymmai halor ka jinglap ia ki par umphniang bad lyngba ka jingiawad, ka Tnad kala lap ba ka don ka par umphniang ha Nagaland bad Meghalaya.

“Shen ka Sorkar India lem bad ki kynhun ba iadon bynta, kin sa iawad ia ka umphniang ha baroh ki Jylla ka thain Shatei Lam Mihngi” u la ong.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...