Shillong, K’lyngkot 16 : U Myntri Rangbah ka Jylla Conrad K Sangma ula pyntip ba ka jingpyntrei ia ka Shillong Ropeway Project kan sa sdang noh shen.
Hynrei ula ong ba ka don kawei ka kam kaba rit ba iadei bad ki dieng, kaba dang sahteng ban pynbeit hynrei ia ka kam ban pyntrei ia ka project lah dep ban aiti mynta.
“Ngan da thikna la ia kane ka kam lah dep pynbeit ne em hynrei nga tharai kila dep hi ia mynta” ong u Conrad haba batai “Ki don ki dieng ba hapoh ka lain ban iaid kane ka ropeway. Ka Tnad Forest kala ai ia ka jingbit ban syllad ia ki tnad hynrei ka Agency ba pyntrei iaka kam, kala kyrpad ban ai jingbit ban pynkhuid syndon ia ka jaka khlaw hangtei bad kila tyrwa ba dei ban don ia u lain jong ki jaka khlaw ban pynthikna ha ka ban kiar na ka jingpluh khlaw.”
“Kumta kane ka jingshim rai bad ka jingpyntreikam ia kane ka rai ka dang sahteng hynrei kumba nga ong baroh ki kot ki sla kila dep lut nadong hadong. Ngi khmih lynti ba ka jingpyntrei ia ka project kan sa sdang noh shen” ong u Myntri Rangbah.
