Shillong, Lber 09: U Myntri Rangbah ka jylla u Conrad K Sangma hynne ka sngi ula pyntip ba ka ka dorbar mang tyngka kan sdang naduh 20 tarik mynta u bnai.
Haba kren sha ki lad pathai khubor u Conrad ula iathuh ba naka liang u Lamphang ka ïngdorbar un sa khot ia ka jingialang jong ka Business Adviser Committee (BAC) naka bynta ban shim rai khatduh halor ki sngi jong ka dorbar mang tyngka.
U Conrad uba dei peit ruh ia ka tnat pla tyngka ka sorkar jylla ula iathuh ba ka sorkar kan wanrah ia ka mang tyngka kaba pura na ka bynta u snem 2023-2024.
“Naka liang ka tnat pla tyngka ka sorkar jylla, kala pynkhreh ia ka mang tyngka bad dei namar kane, ka sorkar kan wanrah beit daka mang tyngka kaba pura na ka bynta u snem 2023-2024” la ong u Conrad.
U Conrad ula ong ba kam don jingmyntoi ban wanrah iaka mang tyngka daka Vote on Account Budget’ lane ka mang tyngka kaba 3 bnai namar hadien habud yn hap ban pynlong dorbar biang bad kane kan shu pynbunkam.
