Imphal, Jylliew 16: U Myntri Rangbah ka Manipur N. Biren Singh ula pynbna ba ki bor pahara kila sdang ia ka jingkhynra ha ki kylleng ki jaka lum ka Jylla ban ioh kem ia ki runar kiba donkti ha ka jinghiar thma ia ki riew paidbah ha ka thain Khamenlok.
Haba iakren bad ki nongthoh khubor ha Imphal,u Biren Singh ula ong “Kum shibynta na kane ka jingkhynra, hynriew tylli ki bomb IED la ioh ban kurup. Ngi kular ia ki paidbah ba ka Sorkar kan leh da kaba tyngeh ia ki kynhun lehnoh kiba donkti ban pyniap dusmon ia ki briew ha Khamenlok”.
Ula pynshai ruh ba kane kam dei satia ka jingiakynad hapdeng ki jaidbynriew hynrei ka jingiakynad hapdeng ka Sorkar Jylla bad ki poi wir beain, bad ruh ki kynhun kaikhlaw kiba pynshlur ia ki kam iaumsnam bad ka jingiashrut.
U Myntri Rangbah ula kyntu ia ki paidbah ba kin pynleit jingmut ha kaban pynjem khnap noh ia kine ki riew runar bad ban nym ngop ha ki hamsaia bala pynsaphriang, kiba la nang ai ding ia ki kam iasumanm bad pyniap ia ka jingshaniah hapdeng ki jaidbynriew ka Manipur.
Ula ban jur ruh halor ka jingdonkam ia ki paidbah ban kiar na ka jingpynthut ia ki bor pahara ha ki surok.
U Biren Singh ula ong “Kum kine ki kam kila pynthut bha bad pynslem ia ka jingpoi ki bor pahara, kaba ka ktah jur ha ka jingiakhun pyrshah ia ki kynhun kaikhlaw kiba pynlong langknia ia ki paidbah ha ki jaka ba sha kyndong”.
Ula kyntu ruh ia ka Sorkar Mizoram ba kan tehlakam lang ia ki da kaba ong b aka jingdonkti jong ki kam mut sati aba kin lah ban rai ia ka lawei jong ka Manipur.
