Shillong, Risaw 25: U Commissioner Secretary ka sorkar jylla Parvin Bakshi hynne ka sngi ba-ar, ula pynthikna ba ka North Eastern Electric Power Corporation Limited (NEEPCO) kan ym mih satia na Jylla Meghalaya.
Haba kren haka jingiasoi MoA hapdeng ka NEEPCO bad ka Sorkar Jylla u Parvin Bakshi ula pynpaw ba ki paidbah ka jylla man ka por ki pynkynmaw iaka jingdawa ba ym dei ban pynkynriah iaka NEEPCO na Meghalaya.
“Nga ju ioh sngew iaka jingdawa ki paidbah bad ki sengbhalang bapher bapher ba ym dei ban kynriah iaka NEEPCO na Meghalaya bad mynta nga iai ban bad ngan ong ba ka NEEPCO kam don jingthmu ban mih noh na Shillong” la ong u Parvin.
U Parvin ula ong baka jingdon ka NEEPCO ha Meghalaya ka wanrah bad ka ai shibun ki jingmyntoi iaka jylla bad ki paidbah nongshong shnong bad dei namar kane ka sorkar jylla ruh ka ialeh katba lah ban iatreilang bad ka NEEPCO ban pyntrei shibun ki projek haba iadei bad ka jingpynmih bording.
Ula ong ba ka jingdon ka NEEPCO ha Meghalaya ka ai jingmyntoi iaka jylla khamtam haba iadei bad ka jinglah ban pynbiang bording iaki paidbah nong shong shnong bad dei namar kane ka sorkar jylla kala trei shimtom ban pynbor iaka NEEPCO ba kam dei ban mih na Meghalaya.
