Shillong, Lber 12 : U Myntri Rangbah ka Jylla Conrad K Sangma ha ka sngi Ba-ar, ula ong ba ka Citizenship Amendment Act (CAA) kan ym don jingktah satia ia ka Meghalaya naba baroh ki jaka ba hap hapoh ka Sixth Schedule kin lait na ka jingtreikam jong kane ka Ain.
Haba iakren bad ki nongthoh khubor, u Conrad ula ong ba ka jingkylli kaba mih halor ka jingwanrah ka Sorkar India ia ka Rules, ka dei ka rukom ba hap ban bud da ka Sorkar.
“Hynrei na ka jingiohi ka Meghalaya, kane ka Ain kan ym ktah than ia ngi namar ki jaka Sixth Schedule kila lait na ka CAA bad ngi ju ong 99.9% hynrei ka dei 99.9999% ki jaka ki dei hapoh ka Sixth Schedule bad khyndiat eh ki hap ha ka non Schedule. Kumta kan ym don jingktah ia ka Jylla Meghalaya” ula ong.
Haba kylli, la ka Sorkar Jylla kan iai bteng ban buddien bad ka Sorkar India ban pyllait noh ia ka Meghalaya naka CAA, u Conrad ula ong “Katno eh ka jaka Municipal ba 2-3 lane ka European ward ba 2 sqkm lane 1 sq km, kam da don jingktah eh namar baroh kawei ka Jylla kala lait n aka”.
“Nga tharai ngi la iakhmih tang ia iwei i dot iba don khlem da peit pat ia ka 99.9999% kiba lait naka CAA kaba ngi dei ban shimkhia” ula ong.
 kan ym don jingktah satia ia ka Meghalaya naba baroh ki jaka ba hap hapoh ka Sixth Schedule kin lait na ka jingtreikam jong kane ka Ain.){kind=link}