Shillong, Naitung 20: Ka District Legal Services Authority, East Khasi Hills District, Shillong ryngkat bad ka Meghalaya State Legal Services Authority, Shillong kaba don hapoh jongka National Legal Services Authority, hynne ka sngi Saitjaiñ kila pynlong iaka Legal Awareness Programme ne ka jingpynsngewthuh paidbah ha kaba iadei bad ki aiñ ki kanun hapoh ka shnong Laitryngew kaba hap ha ka Sohra Civil Sub Division.
Ha kane ka jingpynsngewthuh paidbah la ai ka jingbatai bniah halor ka mat ‘Legal Services to the victims of drug abuse and the eradication of the drug Menace Scheme, 2015, ka NALSA (Child-Friendly Legal Services to Children and their Protection Scheme) 2015 bad ka Protection of Children from Sexual Offences Act, 2012″.
La wan ban iashim bynta ha kane ka jinglang, da ka Kong B. Kharlukhi, Secretary ka DLSA, Shillong, u Bah Pynhun Syiem u SDPO Sohra, Bah Anthony B. Khongsit, O/c, Sohra, Police Station, Sohra bad kiwei kiwei.
La pynlong ruh ïa ka jingïaid paidbah ia kaba la ïashimbynta da ki khynnah pule bad la ioh ia ki jingkren na ki riewshemphang halor ki phang: Free Legal Aid & Services, ka NALSA 15100 Helpline, ka jingdih drok, ka aiñ & ka jingpynshitom, ka aiñ POCSO, 2012 ki kam runar bad ka jingpynshitom.
