Shillong, Rymphang 20: Ka Khasi Hills Autonomous District Council (KHADC) ha ka sngi Thohdieng, kala pynsangeh noh ia ka Dorbar bad baroh ki program jingiatai (Business) kiba la pynbeit ban don ha kane ka sngi kum ka dak ka jingburom ia ka jingkhlad kyndit u MP ka Shillong Dr Ricky AJ Syngkon.
Ha kane ka sngi, kala don tang ka jingmynjur jong ka Iingdorbar iaka Vote on Account jong ka mang tyngka bala wanrah da u Executive Member ba khmih iaka tnat pla tyngka haka 18 tarik Rymphang.
Hashuwa ban sdang ka Dorbar, u Nongialam ka Liangpyrshah u Bah Titosstarwell Chyne u la ieng ban kyntu ia u Symbud Lamphang ban pynduh noh iaki program baroh kiba la pynbeit ban don ha kane ka sngi.
“Kum shi bynta ban burom iaka jingkhlad kyndit u MP ka Shillong Parliamentary Seat u Dr Ricky AJ Syngkon nga sngewdei ban ai jingmut iaka Iing ban pynduh noh ia baroh ki program jingiatai (Business) bala pynbeit mynta ka sngi” la ong u Bah Titos.
Hashuwa ban pynwai iaka Dorbar, kala don ka jingia sngap jar ba shi minit kum ka dak ban burom iaka jingkhlad kyndit u MP ka Shillong Parliamentary Seat u Dr Ricky AJ Syngkon.
 ha ka sngi Thohdieng, kala pynsangeh noh ia ka Dorbar bad baroh ki program jingiatai (Business) kiba la pynbeit ban don ha kane ka sngi kum ka dak ka jingburom ia ka jingkhlad kyndit u MP ka Shillong Dr Ricky AJ Syngkon.){kind=link}