Pynkup burom ka Sorkar ia bun ngut ki Nonghikai ha ka ‘Teachers’ Day’
Shillong, September 5, 2023: U Myntri ka Tnad Pule Puthi ka Jylla Rakkam A Sangma ula kyntu ia ki Nonghikai ka Jylla ban pyrshang ha kaban wanrah ia ki buit kiba thymmai ha ka liang ka jingai jinghikai ban lah kyntiew ia ka pule ka dangle bad ka bha ka miat jong ki Khynnah pule.
U Myntri ula kren ia kane kum u kongsan ha ka jingialang rakhe ia ka Teachers’ Day ba 62, bala pynlong da ka Tnad Pule Puthi ka Jylla ha U Soso Tham Auditorium, Shillong.
Man la u snem ha ka 5 tarik u Nailur la rakhe iaka Teachers’ Day ne ka sngi kyrpang jong ki nonghikai, kum ka dak ban ai burom ia u synniang uba la noh da ki nonghikai sha ka imlang sahlang.
Kane kadei ruh ka sngi ban kynmaw burom ia ka sngi kha jongu Dr S. Radhakrishnan, u President barim ka India uba dei ruh u nonghikai.
Haba kren ha ka jingialang u Rakkam A. Sangma ula ong ba ka pule puthi ka long uwei na ki paia kaba noh synniang ban tei ia ka ri kaba khraw. Ki nonghikai ki don ka bynta kaba khraw ban pynurlong ia ka thong ban tei bad saindur iaka jabieng jong ki khynnah ban long ki briew kiba bha ha ka imlang sahlang, ba kin lah ban wan shakhmat ha ka jingpule bad ban kiew shaphrang ha ka jingim shimet ka jong ki ban poi sha ka thong jongka jingjop.
Ula iaroh ia ki nonghikai watla ki mad bun ki jingeh ha kaba iadei bad ka jingbym ioh ryntih iaka tulop bad ka jingioh slem ia ka tulop jongki.
U Myntri ula pynthikna ba ka sorkar ka ieng skhem bad ka pyrshang ban shimkhia ia ka jingeh jong ki nonghikai bad ula ban jur iaka jingdonkam ia ki nonghikai ban wanrah ia ki buit kiba thymmai ban kyntiew shaphrang ia ka bha ka miat jongki khynnah pule.
U Myntri ula iaroh bad ai khublei ia Madhav Singh, Senior Science Teacher jongka Alpha English Higher Secondary School, Nongpoh uba la ioh iaka National Teacher Award 2023.
Ha kane ka jingrakhe u Myntri ula pyllait ia ki project lyngba ka SSA, ka website jongka Samagra Shiksha Abhiyan, Adopt a School Campaign bad PM e-Vidya Meghalaya.
Ka sorkar jylla kala ai burom ia ki nonghikai na kylleng ki bynta jong ka jylla ha ka jingrakhe ia ka Teachers’ Day da kaba ithuh ia u synniang uba kila noh ha kaban tei ia ka jingim jong ki khynnah.
Ki nonghikai kiba la ioh iaka State Award ki kynthup ia ka V. Dipali Sharma Rao, Principal, Laban Assamese Girls’ Higher Secondary School, Kong Belinda Kharsati, Head Teacher, Pomlahier L.P School, Bah Sisingh Ryntong, Asst. Teacher, New Nongstoin ‘B’ Govt. L.P School, Bah Apborsing L. Mawlong, Asst. Teacher, Tirot Sing Memorial Govt. U.P School, Nongkhlaw, Bah Kwirin Diengdoh, Headmaster, Mawsaw Govt. U.P School, Mawkyrwat, Kong Ewanmidaka Mukhim, Asst. Teacher, Govt. Girls’ Higher Secondary School, Jowai, Bah Ribait Oo Pde, Asst. Teacher, Tep Kyndait Govt. U.P School, Tuber Kmaishnong, u Golak Chandra Medhi, Asst. Lecturer, Jirang Govt. Higher Secondary School, New Jirang, u Babansing Ch. Sangma, Head Teacher, Rongreng Baiza Govt. L.P School.
U Wilton Marak, Headmaster, Daram Govt. U.P School, u Frederick R. Sangma, Headmaster, Dobasipara U.P School, u Manoj Kumar Prasad, Asst. Teacher, Montfort Centre for Education(Sec), ka Mirabella G. Sangma, Head Teacher-Cum Secretary, Chengkompara Nokat Govt. L.P School, u Nozmul Arefin, Vice Principal, Baghmara Govt. Higher Secondary School
Nalor ka State Award, la ai ruh iaka District Award sha ki 36 ngut ki nonghikai na kylleng ki District. Na ka bynta ka East Khasi Hills, ia ka District Award la iohpdiang da ka Dr. Careen E.G Marbaniang, Assistant Teacher, Mawkhar Christian HS School, Shillong ha ka Secondary Section katba u Bah Wallamkupar Lynrah, Assistant Teacher, Mawsiatkhnam Prebyterian U.P School (SSA) ula ioh ha ka Upper Primary Section bad ka Kong Dafrit Nongkynrih, Assistant Teacher, Tynring Govt. L.P School, Tynring ia ka Lower Primary Section.
Ia ka Special Award 2023 (Inclusive School) la ioh da ka Berrilang Nongrum, Special Educator, Mary Rice Centre for Special Education, Laitumkhrah, Shillong. U Dilip Kumar Mangar, St. Anthony’s HS School, Shillong bad ka Miniefer Syiemlieh, KJP Girls’ HS School, Shillong kala ioh iaka Best Scoutmaster and Guide Captain 2023
