-->

Pynshai ka Tnad PHE ba kynnoh ai jingtip thok sha Delhi halor ka skhim JJM

Date:

Share post:

Shillong Nailur 05: U Commissioner & Secretary ka Tnad Public Health Engineering (PHE) Syed Md Andaleeb Razi ula ong, ba baroh ki jingtip bad ki kaiphod kiba iadei bad ka Jal Jeevan Mission (JJM) kiba la aiti da ka tnad PHE, ki dei kiba la buh ban iohi paidbah ha ka JJM-IMIS Portal bad kaba lah ban pynshisha laitluid da ki riewshimet.

U Razi ula pynpaw ia katei hadien ba kala mih ka jingkynnoh ba kila aiti da ka kaiphod ka bym shisha sha ka Sorkar India halor ka Jal Jeevan Mission ha Meghalaya.

Ula ong, ba ka Sorkar India man la ka por kala pynshisha ia ki jingtip bad ia ki jingkhein lyngba kiwei pat ki kynhun kiba wad ia ki jingtip kiba bniah.

Hynrei ka tnad kan don ha ka kyrdan kaba biang bha ban pynshai ia kino kino ki jingjia ha kaba iadei bad ka jingai jingtip bakla ia ki jingkhein lada ai jingtip.

Lada jia ba ka don kano kano ka jingbkala ha ki jingkhein bad haba la lap, ngi la pynbeit noh mardor, ula ong.

U Razi ula ong, ba ka dei kaba hap ban ioh ia ka jingiaroh, ba ha ka 15 tarik u Nailar 2019 haba la sdang pyntreikam ia ka JJM kila don tang 4550 tylli ki longing ha ka jylla kiba la ioh ia ka kor um ha Iing lyngba ka Functional Household Tap Connections (FHTC) hynrei haduh ka 5 tarik u Nailur 2024 kila kiew sha ka 5,24,477 tylli.

“Ia kane ka projek la pyntreikam sted bha katkum ka por kaba la buh bad ki lah ban don hangne hangtai ki jingduna ha kane ka projek kaba heh bad kaba iar. Lada ia kano kano ka jingbym biang la pynpaw shai kdar, ka tnad PHE kan shim mardor ia ki sienjam ban pynbeit ia ka” ong u Razi.

Share post:

-->
spot_img

Popular

More like this
Related

SPL 2025| Kiew ka Mylliem na u pud ban hiar kyrdan | Hiar noh ka Nongrim Hills

Shillong, Risaw 8: Ki ar kol u Alem Khongwir,...

Iaroh ka BJP ia ka Sorkar ba pynduh ia ka interview ha ka thungkam ia ki Grade-IV

Shillong, Risaw 08: Ka Meghalaya Bharatiya Janata Party (BJP)...

Sam ka DC da ki kor Digital ban lah pyntreikam bha ia ka MRSSA 2016 ha EKH

Shillong, Risaw 8: Ka Ophis jong ka Deputy Commissioner...

BJP asks Meghalaya Govt to allow final-year grads to appear for MCS/MPS exams

SHILLONG, OCT 8: The state BJP has demanded the...