Shillong, Lber 09 : Ka North East Sunshine Trust (India) ha ka sngi Saitjain kala kam ba ka shithi ba iadei bad ka jingtyrwa ban sdang biang ia ka project tih Uranium ha Meghalaya, ka dang dei tang ka ‘Draft’ bad ym pat phah satia sha u Dr Jitendra Singgh, Myntri Khynnah ka Department of Atomic Engery, ka Sorkar India.
Kane ka jingpynshai kala mih shisngi hadien ba kane ka shithi kala saphriang ha ki rynsan social media bad pynmih ia ka jingpyrshah kaba jur na ki kynhun ba pyrshah tih uranium hapoh ka Jylla.
Kat kum kane ka shithi bala thoh ha ka 26 tarik Rymphang, 2024, ka NEST kala tyrwa ban sap hah ia ka Detailed Project Report (DPR) ban sdang biang ia ka jingtih uranium ha Meghalaya.
“Sngewbha pule ia ka shithi jong ngi….ba 26 tarik Rymphang 2024 ban phah sha u Dr Jitendra Singh, Myntri Khynnah ka Department of Atomic Energy, GOI. Ki symboh ha kane ka shithi ka dang dei kiba shu thoh (draft form) bad ka mut tang kum shi bynta jong ka jingiasyllok. Ka long kaba sngewsih ba katto katne ki briew ki bym ithuh, kila rai hala ka jong ka jingstad, ba ka seng jong ngi kala shim ia ka sienjam marwei halor kane ka project bad kila pyrshang ban ai khubor ka ba ktah ia ka seng jong ngi” ong ka Founder Trustee bad Chairperson ka NEST (I) kong Elizabeth Matthews Nongbri ha ka kyrwoh bala phah sha ka Shillong Press Club.
“Ngi pynthikna ba kane ka shithi ka dang dei kaba shu shna (draft) bad ym pat phah satia sha u Myntri” kala ong haba bynrap ba ka seng ka babe lada don kano kano ka jingpynmong iaka jingsngew u paidbah ba bun balang.
“Ngi pan map ia ka jingleh bym pyrkhat lang jong ki briew ki bym ithuh, kiba la shim halade ban pynjah burom ia ka seng jong ngi” kala pynkut.
 ha ka sngi Saitjain kala kam ba ka shithi ba iadei bad ka jingtyrwa ban sdang biang ia ka project tih Uranium ha Meghalaya, ka dang dei tang ka ‘Draft’ bad ym pat phah satia sha u Dr Jitendra Singgh, Myntri Khynnah ka Department of Atomic Engery, ka Sorkar India.){kind=link}