Shillong, Jymmang 03: Ka North East Indira Gandhi Regional Institute of Health and Medical Sciences (NEIGRIHMS) ka dang ap ia ka jingmynjur jong ka tnat Ministry of Health & Family Welfare ka Sorkar Pdeng ban pyntreikam ia ka bhah ki kynthei bad shynrang kaba 80:20 ha ka jingthung kam Nurse bad ban pynkiew ia ka rta thungkam nalor kiwei pat ki jingdawa.
Ïa kane la pyntip da u Director ka NEIGRIHMS u Dr N Mehta hadien ka jingïakhih ba khlem pud ba la pynlong da ka Khasi Students Union (KSU) pyrshah ïa ka jingkynnoh ba kane ka Hospital kam shym la lah ban pynurlong ïa ki jingdawa haba ïadei bad ka thungkam thungkam.
“Ka Hospital ka la thoh shaka tnat Ministry of Health & Family Welfare ka Sorkar Pdeng da ka jingai jingmut ban pyntreikam ïa ka bhah 80:20 ha ka kam Nurse kumba la leh da kiwei ki jaka sumar kum ka AIIMS bad ka PGIMER” la ong u Dr Mehta ha ka kyrwoh.
U Dr Mehta u la pyntip ruh ba ka NEIGRIHMS ka la phah ïa baroh ki shithi, ki jingpynpaw, bad ki jingïakren na baroh ki kynhun trai Ri, ki Dkhot ka Ïingdorbar, bad ka Myntri ka Koit ka Khiah na ka Jylla Meghalaya sha ka Ministry ban bishar bniah bad leh ïa kaba donkam.
“Kine ki jingpynpaw ki kynthup ïa ki jingdawa bhah kam kyrpang iaki trai Jylla, ka jingpynkiew ïa ka rta, ka jingpynïaid ïa ka eksamin thung kam da ka NEIGRIHMS bad ka jingpynlong ïa ka eksamin ha ka rukom OMR” u la ong.
U Director u la pynshai ruh ba katto katne na kine ki rai ki hap hapoh ka jingpeit jong ka Ministry of Health and Family Welfare ka Sorkar Pdeng bad kim shym hap haka jinglait u Director ka Hospital.
“Ka NEIGRIHMS ka treikam katkum ki jingbthah, ki hukum, bad ki jingbthah naka Ministry. Ngi ap ia ka jingpyniaid bad jingmynjur kaba kham bniah na ka Ministry halor kine ki mat ba la kdew haneng” u la ong.
U Dr Mehta u la pynshai ba ki Nursing Ophisar shynrang kiba rung sha ka NEIGRIHMS lyngba ka jingpynrung kam ba khatduh jong ka NORCET kim shym la shah jied namar ba ki kham duna ha ka jingnang jingstad ne kum ki kyrtong ba sah”.
“Katto katne na ki ki don ïa ki kyrdan kiba kham heh hynrei la ai sha ka NEIGRIHMS namar ka jingpynjari ïa ka jingbha kaba 80:20 ha ki jaka pule jong ka AIIMS. Kum ka jingmih, ki Candidate kynthei kiba don kham hapoh ki kyrdan la jied na ka bynta ka AIIMS, katba ki Candidate shynrang kiba kham heh kyrdan kila shah jied Ha NEIGRIHMS”.
Da kaba pynpaw ba ka Hospital ka dang ïaineh ha ka jinglong kaba shai, kaba hok, bad kaba bud ryntih ïa ki kyndon Sorkar ha baroh ki rukom thung kam, u Director u la ong, “Ngi kyntu ïa baroh ban ap ïa ka jingpyntip ba thikna na ka Tnat bad ban kiar na ki kam kiba lah ban pynthut ïa ka jingtreikam jong ka tnad.”
Ka KSU ka la ban jur ba ka jingiakhih kan iai bteng haduh baka NEIGRIHMS ka pynurlong ia baroh ki jingdawa.
 ka dang ap ia ka jingmynjur jong ka tnat Ministry of Health & Family Welfare ka Sorkar Pdeng ban pyntreikam ia ka bhah ki kynthei bad shynrang kaba 80:20 ha ka jingthung kam Nurse bad ban pynkiew ia ka rta thungkam nalor kiwei pat ki jingdawa.){kind=link}