spot_img

Pynshai ka Myntri ba thung ka Meghalaya High Court ia ka Committee u Justice (Retd) BP Katakey

Date:

Share post:

Kam hap ha ka bor jong ka Sorkar Jylla ban tuklar ia ka Committee u Katakey

Shillong, Lber 12 : Ka Myntri ka tnad Ain Kong Ampareen Lyngdoh ha ka sngi Balang kala ong ba ka Committee u Justice (Retd) BP Katakey ka dei kaba la thung da ka Iingkashari Meghalaya High Court bad kam hap hapoh ka bor jong ka Sorkar ban iakren ia kum kane ka kam namar ka dei kaba la mana (subjudice) hakhmat ka Iingkashari.

“U Justice ba khlieh ia ka Committee u dei uba la thung da ka Meghalaya High Court bad kam hap hapoh ka bor jong nga ne ka bor jong ka Sorkar ban iakren ia kane ka kam namar ka long subjudice” ong ka Myntri haba jubab ia ka cut motion bala wanrah da u President ka Voice of The People Party (VPP) Ardent M Basaiawmoit hapoh ka Iingdorbar.

Haba sot ia ka khubor ba mih ha ki lad pathai khubor, u Bah Ardent ula kynnoh ba ka Sorkar Jylla kala iakren halor ka jingthmu ban pynwai noh ia ka jingshakri jong u Justice BP Katakey, uba khlieh ia ka Committee uwei u briew bala thung da ka High Court ba iadei bad ka kam tih dewiong beain hapoh ka Jylla.

“Kat kum ki khubor, ka Sorkar kala pan ia ki jingmut na ki stad ain hashuwa ba kan buh ka jingkyrpad hapoh High Court ban pynkut noh ia ka jingshakri jong u. La paw ba ka jingthrang jong u Judge ban sei madan ia kajingtih dewiong ba khlem jingbot ka dei ka daw bah ba ki briew kiba don ha ka bor bad ki coal mafia ha ka Jylla kim sngewshngain satia” ula ong.

Ula bynrap ba la pyntip ba naduh bala thung ia u ha u Iaiong 2022, u Justice Katakey ula aiti da ki dorjon ki kaiphod kiba pynthikna ia ka jingdon ka jingtih dewiong beain bad khaii beain ha kylleng ki jaka jong ka Jylla.

Share post:

spot_img
spot_img

Popular

More like this
Related

Pyllait ka Sorkar ia ka 1st Installment ka Scholarship ki ST | 66000 ngut kila ioh ia ka pisa

Shillong Jylliew 23: Ka Tnad Pule Puthi ka Jylla...

Meghalaya releases 1st instalment of Post-Matric ST Scholarship; 66,000 students receive payment

Shillong, June 23: The Meghalaya Education Department has announced...

Dei ka Khynnah 16 snem bad 2 ngut ki runar na Sor ba pajut soh skhor ia ki Khynnah skul ha Mawlai

Shillong Jylliew 22: Ki pulit ka Mawlai Police Station,...

Jingshah pyniap u Raja Raghuvanshi | Lap ki Pulit ia ka synduk ka Sonam bala thang ingkhong

Shillong, Jylliew 22 : Ka kynhun Special Investigation Team...