spot_img

Pynshai ka HNLC ba wan iakren iasuk ym ban pyndem hynrei ban pynbeit ia ki ishu ka Jaidbynriew

Date:

Share post:

Shillong Jymmang 23: Ki dkhot ka seng Hynniewtrep National Liberation Council (HNLC) hynne ka sngi kila pynshai ba ka jingwan iakren jong ki bad ka sorkar kam dei ba ka wan ban pyndem hynrei kadei beit tang ka jingwan iakren iasuk bad ka sorkar jylla bad sorkar pdeng bad ban pynbeit ia ki kynrum kynram ba ki la iadon.

Hynne ka sngi 4 ngut ki dkhot ka HNLC ba kynthup u vice Chairman ka HNLC u bah Manbhalang Jyrwa ha ryngkat ka jingdonlang u bah Aristarwell Thongni uba dei ruh political Secretary, u bah Raymond Lapang bad Storgy Lyngdoh ki PSO lem bad u Ksiang ka HNLC u bah Sadon blah kila ia kynduh lang ha IB Umiam ban kren sha ki lad pathai khubor halor ki nongrim baka seng ka ieng ban wan shaka meij iakren iasuk.

Haba kren sha ki lad pathai khubor u Vice Chairman ka HNLC u bah Manbhalang Jyrwa ula iathuh baka jingwan rung biang ki dkhot ka seng shapoh ka jylla Meghalaya kadei thik ban iakren iasuk ym ban pyndem wait shaka sorkar jylla ne sorkar pdeng.

U bah Manbhalang ula ong ba kane ka jingwan jong ki kadei ban iakren bad ka sorkar India bad ka sorkar jylla kumno ban poi shaka jingiakren ban pynbeit ia ki kynrum kynram ba la iadon naka bynta ban pynneh iaka shong suk shong shngain hapoh ka jylla.

“Ka seng ka don ruh ia ka jingangnud ba kan poi ka jingiakren ban poi sha thong watla ka lah ban bam por” la ong u bah Manbhalang.

U bah Manbhalang ula ong ba ka HNLC ka kwah ban ai jingiada ia ka Bri Hynniewtrep la kadei hapoh ka riti synshar ka ri India ne habar hynrei ka jingangnud bad ka jingkwah ka HNLC ka long ban ioh ia ka jingithuh jong ka jaidbynriew bad ka jylla baroh kawei.

“Lada ngi peit shabar, kum ki Kuki lane ki Rohingya kine kidei ki briew ki bym don jaka lane ka jylla, ngi ruh lehse kan poi ka por ba ka jaidbynriew jong ngi ka lah ban long kum jong ki namar ba ngim don ka jingithuh kaba kyrpang” ula ong.

U bah Manbhalang ula bynrap ba kiwei ki jaidbynriew kum ki Mizo, ki Manipur bad ki Naga ki don ia la ka jong ka jylla hynrei kum ka jaidbynriew ki khun hynniewtrep kim don iaka jingithuh ba kyrpang.

Haba kyntait ban pyntip iaki mat baka seng ka buh ban poi shaka meij iakren iasuk, u bah Manbhalang ula ong ba iaka mynta ka seng kam pat lah ban phla iaki mat baka don hynrei ki don shibun tylli ki mat bala bsuh ba kynthup ka ILP, ka jingwan buhai shnong ki poiwir, ka ktien Khasi, ka jingiada ki paradoh parasnam ba sah ha ki thain khappud nalor kiwei kiwei de.

“Ka seng HNLC kam dei ka seng ba pyrshah ia ka ri India ne kaba pyrshah ia kiwei ki jaidynriew ne iaki niam kum Hindu ne Muslim hynrei kadei ka seng kaba ieng halor ka hok” ula bynrap.

Share post:

spot_img
spot_img

Popular

More like this
Related

Beh shnong lut ka Erpakon ia ki bar jylla ba trei bylla ne sahwai ha Shnong

Nongpoh, Jymmang 22: Ka Dorbar Pyllun jong ka Shnong...

30% of BJP supporters in South Shillong averted to vote ‘out of anger’: says Sanbor Shullai

SHILLONG, MAY 21: BJP legislator from South Shillong Sanbor...

U drok bad ka shongkha pathar ki daw bah ka jingpang Ñiangkulia: MACS

Nongstoiñ, Jymmang 21: Ka Meghalaya State Network of Positive...

Iakynduh ka HYC ia ki bor District ka WKH ba la jyllei u droks hapoh ka District

Shillong, Jymmang 21: Ka Hynniewtrep Youths Council (HYC) West...
spot_img