Shillong, Iaiong 22 : Ka Tnad Commerce & Industries kala pynsdang ia ka residential internship programme ha ka jingshna phlim hapoh ka Raising and Accelerating MSMA Performance (RAMP) scheme, ha ka jingiatreilang bad ka Prag Film and Television Institute (PFTI), Guwahati.
Kane ka prokram kala sdang ha ka sngi Balang ha kaba 60 ngut ki Intern na kylleng ki District ka Meghalaya kila leit ban iashimbynta kum ka kynhun ba nyngkong.
Kane ka sienjam ka thmu ban kyntiew ia ka jingpynroi ia ki sap, ka jingiohkam, bad ka lad sengkam sengjam na ka bynta ki samla ka Jylla ha ki kam shna phlim, media bad ki kam shna jingshna da ka buit nalade.
Kane ka Internship ka dei kaba hap ban sah, bad ka Tnad Commerce & Industries kan ai ia ka stipeng ba man u bnai, kaba long T.10,000 shi khlieh na ka bynta ka lai bnai.
Ha ka por ba iaid ka internship, ka PFTI kan ai ia ki jinghikai kaba bniah ha ryngkat ki jingbatai ia ka rukom shna phlim.
“Ki Intern kin ioh ia ka lad ban iohi naduh ka pre-production, production bad post-production, kynthup ka technical bad kiwei kiwei ki bynta ka jingshna phlim” ong ka Tnad. Ia ka jingai jinghikai yn pynlong ha campus ka PFTI ha Akshat Tower, Lalmati, bad Prag Tower, Ulubari, Guwahati.
Ia ka jingialang plie lah iashimbynta da ki riew pawkhmat na ka North Eastern Media Industry, kynthup u Dr. Sanjive Narain, CMD ka Prag News, Jitendra Ashit Chutia, CEO, bad Rajesh Bhuyan, Channel Head ka Rengoni.
 scheme, ha ka jingiatreilang bad ka Prag Film and Television Institute (PFTI), Guwahati.){kind=link}