Shillong, K’lyngkot 09: Ki bor pyniaid District kila pynsangeh noh ia ka Public Hearing ba thmu pynlong da ka Meghalaya State Pollution Control Board (MSPCB) ha Nonghali na ka bynta ban tei ia ka jaka theh niut (Waste Management Plant) ha Lum Sohlait.
Kane ka Public Hearing ka dei kaba la buh ban pynlong hynne ka sngi Palei hynrei ki Ophisar ka MSPCB, ki Magistrate bad ki Pulit, kila shah khang lynti ha ki paid nongshongshnong ka thain bala ialam da ka Synjuk ki Nongsynshar Shnong ka Par Umkhen, ha Jaroid.
Haba pynbna ia ka rai, u ADC ka East Khasi Hills kala pyntip ba ka jingpakhang lynti jong ki nongshongshnong ia ki Ophisar ka MSPCB ka dei ka daw ba hap pynsangeh noh ia kane ka Hearing.
“Ngi la pyrshang ban leit shaka jaka bala pynbeit ban pynlong iaka public hearing hynrei ngi la shah pakhang lynti noh haki nong shong shnong” la ong ka ADC.
Kala ong ba ka jingthmu ban pynlong iaka Public Hearing ha Nonghali la leh katkum ka ain bad la pyntip paidbah lyngba ki Kot Khubor ym duna 30 sngi.
