Shillong, Jylliew 11: Ki Kynhun Sengbhalang ka thain Mawsynram Block, kila rai ban pynsangeh noh ia ka jingthmu ban iatur paidbah sha Secreteriat namar ka kam sam bording jong ka M/s Sai Computer Ltd.
Kine ki Kynhun Sengbhalang ki kynthup ia ka Federation Of Khasi Jaintia and Garo People (FKJGP), Hynniewtrep National Youth Front (HNYF) bad ka Hynniewtrep Youth Council (HYC).
Ia kane ka rai la shim hadien ba ka Sorkar kala pynbna ba kala weng ia ka Sai Computer Ltd na Mawsynram Sub Division bad pynkhamti biang ha MePDCL ba kan pyniaid ia ka kam sam bording, ai bill bording bad kiwei kiwei.
U Chairman ka Kynhun ki Sengbhalang Bah Tyngshain Rongsang ula pyntip ia kane ka rai haba ai khublei ia baroh ki paid nongialam Shnong bad ki para Sengbhalang ka thain na ka bynta ka jingiatreilang.
Ula kyntu ruh ia ki paidbah ba kin nym pat siew ia ka bill light tad haduh ba ka tnat MePDCL kan wan ban trei kam hapoh ka Sub division
