Aibor tang ban khang khyrdep ba kin ym treikam
Shillong, Naitung 22 : Ka Iingkashari Supreme Court, kala pynsangeh (stayed) ia ka hukum jong u Deputy Commissioner ka East Jaintia Hills, ba bthah ban pynpra ia ki karkhana coke, kiba don hapoh ka District.
Ka Iingkashari kala pynmih ia kane ka hukum ha ka 21 tarik Naitung haba shong bishar ia ka mukotduma bala mudui da ka DRUK Fuels Limited pyrshah ia ka Sorkar Jylla bad kiwei kiwei ki kynhun.
Kane ka hukum kala mih na ka Kashari u Justice Surya Kant bad u Justice Dipankar Datta.
Hynrei ka Kashari kala aibor pat ia u Deputy Commissioner ka East Jaintia Hills ba un khang khyrdep ia ki karkhana coke ba kin ym treikam satia.
Kat kum ka khubor bala ioh lum, ka Druk Fuel Limited kaba don ha ka Shnong Mookympad, kaba hap hapoh ka Elaka Sutnga, ka dei kaba long trai da u Youshistra Bhama, Gaurav Bhama, Rishi Prasad Agarwal bad Shreyan Goyal.
U Youdhistra Bhama uba dei na Bongaon, Beltola, Guwahati, u dei uba la shah kem ha ki bor pulit ka West Khasi Hills naduh ka 15 tarik Jylliew halor ka jingdonkti ban seng ia ka karkhana coke beain ha Shallang, West Khasi Hills.
Dang ha ka 12 tarik Naitung, ki bor District ka East Jaintia Hills kila pynpra ia 2 tylli ki karkhana coke beain kiba la pynieng khlem da ioh ia ka Concent of Established na ka Meghalaya State Pollution Control Board (MPSCB).
Kine ki artylli ki karkhana coke beain ki kynthup ia ka M/S Halari Coke Plant kaba don ha Sutnga Elaka, East Jaintia Hills bad ka M/S Shauryansi Coke kaba don ha Wah Samier, Sutnga, East Jaintia Hills.
U Deputy Commissioner ka District A Baranwal u pyntip ba ia kine ki karkhana coke la leit ban pynpra da ka kynhun kaba ialam da u Bah J Shylla, MCS, Additional Deputy Commissioner ha ryngkat ka kynhun ki Pulit na ka Ophis u Superintendent of Police, ka Meghalaya State Pollution Control Board bad ka District Commerce & Industries Centre,
Une u Khliehduh ka District u pyntip ba ia kane ka sienjam la shim haba pyntreikam ia ka Office Order No: EJHD/GENL.261/COKE/Pt.IV/2023/151 ba 7 tarik Naitung, 2023 bad ka Order No: EJHD/GENL.261/COKE/Pt.IV/2023/152 ba 11 tarik Naitung, 2023.
U pyntip ba ia kine ki hukum la pynmih namar ka jingsngew ba kine ki karkhana beain ki lah ban pyrshang treikam sopsop da kaba pyndonkam ia u dewiong ba mih na ka thain, kaba pynshlur pat ia ka jingtih dewiong beain hapoh ka District.
Pule ruh: Thlim mih ka jingkulmar hapdeng ka BJP bad APP ha Aizawl
 ia ka hukum jong u Deputy Commissioner ka East Jaintia Hills, ba bthah ban pynpra noh ia baroh ki karkhana coke ba kynnoh treikam be-ain, kiba don hapoh ka District.){kind=link}