Shillong, April 18: Ka kynhun tem Rock kaba pawnam ha ka pyrthei ka Scorpions kaba na ri Germany kala pynsangeh noh ia ka jingthmu ban wan tem ha nongbah Shillong, ia kane la pynbna da ki nongpyniaid hynne ka sngi Saitjain.
Ha ka kyrwoh na ka BookMyShow kala ong ba kane ka kynhun kaban wan sha ri India “Coming Home” la hap ban pynsangeh noh namar ki daw bym lah kiar ha kaba iadei bad ka koit ka khiah ka bym shim la poi pyrkhat ia ki dkhot jong kane ka kynhun tem.
Ia kane ka jingwan tem ka Scorpions kan sdang ha ka 21 tarik ha Nongbah Shillong bad hadien kane kan leit ban tem pat sa ha Delhi-NCR ha ka 24 tarik u Iaiong, ha Bengaluru ha ka 26 bad khatduh eh ha Mumbai ha ka 30 tarik u Iaiong.
Baroh ki tiket kiba la thied lyngba ka BookMyShow yn sa pynphai noh ia ka pisa hapoh jongka 7–10 sngi, la pyntip ka BookMyShow.
