spot_img

Pynrung ka MCA da u Rohit Sharma ha ka kynhun Cricket ka Meghalaya

Date:

Share post:

Shillong, Nohprah 4: Ka Meghalaya Cricket Association Junior Men Selection Committee kala jied ia ki 15 ngut ki nongialehkai na ka bynta ka jingiakhun kaba khatduh jongka U-19 Men’s Cooch Behar Trophy 2024-25, kaban long pyrshah ia ka Karnataka naduh ka 6 haduh ka 9 tarik u Nohprah ha Bangalore.

Ka Committee kala wanrah tang kawei ka jingpynkylla da kaba pynshong noh ia u Shubham Rasaily bad la wanrah noh da u Rohit Sharma ha ka kynhun ialehkai.

Watla ka Meghalaya kala rem ha baroh 4 tylli ki jingiakhun ha ka Elite Group A, hynrei ki nongialehkai kila lah pat ban pyni ia ka sap ka phong ialehkai ka jongki khamtam eh ha ki ar tylli ki jingiakhun kiba dang shu dep.

Ka Karnataka, kala jop ar sien bad rem arsien bad mynta kala pynkhreh ban iakhun pyrshah ia ka Meghalaya ha ka jaka lajong.

Ka kynhun ki nongialehkai ka Meghalaya ka kynthup ia u Manthan Dey, Dipankar Baruah (C) (WK), Heiyomiki Ryngkhlem, Dipayan Nandi, Gaurav Jyoti Thakuria, Ashish Kumar Lohar, Gaurav Narleng, Apandanka R Marak, Kshitij Singhania, Rudrasingh Rathore, Sachang Sangma (VC), Shavian Blah, Grish Raj Ray, Angkit Tamang bad u Rohit Sharma.

Ki nongialehkai kiba la pynap ki kynthup ia u Shubham Rasaily, Pushkar Raj Singh bad u Changsrang S Marak, katba ki Support Staff ki kynthup ia u Sandipan Deb Nath (Head Coach), Hemant Roy (Assistant Coach), Hamboy Langbang (Physio), Gregory Syiemlieh (Trainer) bad u Aaron G Diengdoh (Manager).

Share post:

spot_img
spot_img

Popular

More like this
Related

Kyntu ka JSM ia u DyCM ban weng noh ia ki jingeh ba mad ka shnong Lapangap

Shillong, Naitung 09: Ka Jaiñtia Students Movement (JSM) Lapangap...

Pan kaiphod ka MHRC na u SP ba kynnoh shah pynshiton be-ain u samla ha Sohra PS

Shillong, Naitung 09 : Ka Meghalaya Human Rights Commission...

Kyrpad ki 18 shnong ka Raid Nongtung ia u CM ban pynneh hapoh Meghalaya

Shillong, Naitung 08 : Ka Synjuk ki Rangbah Shnong...

Tyrwa ka Sorkar ia bun tylli ki Sub Station ha Nongkyndong ban lah pynbiang bording

Shillong, Naitung 08 : U Myntri kam bording ka...