Shillong, Naitung 28 : Ka prokram plie (opening ceremony) jong ka Paris Olympics 2024 kala shah bein bad shah kynthoh lai phew jait na ki kynhun niam ha kylleng ka pyrthei khamtam ki paid Khristan, hadien ka jingpyni ia ka Syiem ba shah patan, ba pynkynmaw ia ka dur ‘Jingkhawai U Trai’ (Last Supper) u Leonardo da Vinci.
Kane ka prokram ka pyni ia u Jisu (bala buhjli da ka kynthei kaba sngaid ba phong ia ka jingdeng khlieh da ka rupa) uba dang iabam jingbam lang bad ki synran hashuwa ka jingshah sah narphla, bad uwei pat ba ai rongblue baroh shi ryngieng bad deng ia ki syntiew, kaba pyni kum ka dak jong ki jingbam bala ai ban iabam.
Ki jingkynthoh ba lai phew jait kila mih ha ki rynsan social media ha kaba bun kila pynrem ia kane ka prokram da kaba ong ba ka dei ka ‘jingibein’ ia ki Catholics.
U Myntri Rangbah ka Jylla Conrad K Sangma ula thoh sha ka social media ba pynpaw ia ka jingsngewsih bad ong “Sngewsih jur ban iohi ia ka jingia patan ha ka prokram ba pyni ia ka ‘Jingkhawai U Trai’ hapoh ka Paris Olympics. Dei ban burom ia ka jingsngew jong kiwei ki Niam. Nga pynrem jur ia kum kane ka jingleh”.
Haba pynksan, ka Paris Olympics Organizers kala kam ba kane ka prokram ka thmu ban pyni ia ka jinglong khlemakor bad jingjrong kti hapdeng ki khun bynriew.
Kane ka jinglehkmen ka kynthup ruh ia kiwei ki jingleh kiba pynmong kum ka jingpyni ia ka khlieh ka Maria Antoinette ba ba mait bad kiwei kiwei, kaba la nang ai ding ia ka jingiatai halor ka rukom pynkhreh ia ki prokram bala pynlong ha kane ka sngi plie ia ka Olympics.
 uba dang iabam jingbam lang bad ki synran hashuwa ka jingshah sah narphla, bad uwei pat ba ai rongblue baroh shi ryngieng bad deng ia ki syntiew, kaba pyni kum ka dak jong ki jingbam bala ai ban iabam.){kind=link}