-->

Tripura : Kem ki Pulit Railway ia 23 ngut ki nong Bangladesh ba rung be-ain

Date:

Share post:

Tripura, Naitung 28: Ki Pulit ka Government Railway Police (GRP) ha ka sngi Saitjain kila ioh kem haduh 23 ngut ki nong Bangladesh kynthup ia uwei u nongialam lynti na Agartala Railway Station namar ka jingrung be-ain sha India.

Kat kum ka jingpyntip ki bor Sorkar, ia kine ki briew la kem ha ka miet sngi Saitjain katba ki dang thmu ban kiew ha kawei ka rel ban leit sha kiwei ki Jylla ka Ri India lyngba ka Guwahati.

Kine ki Nong Bangladesh ki dei kiba don hapdeng 19 snem haduh 40 snem bad ki dei na ka shnong Chapainawabganj District ha Rajshahi Division. Kine ki briew kila wan sha India ban wad kam wad jam.

Dang shen ki BSG kila sdang ia ka jingpynjur bha ia ki bor pahara hapoh ka thain ban tehlakam ia ka jingwan rung tuh jong ki nong Bangladesh.

Tang ha kine ki arbnai shiteng, ki pulit ka GRP kila ioh kem haduh 150 ngut ki nong Bangladesh bad 32 ngut ki Rohingya na Agartala Railway Station bad na kylleng ki jaka ka Tripura hadien ba kila ioh rung tuh sha India.

Share post:

-->
spot_img

Popular

More like this
Related

Kurup ka ANTF ia u heroin ba shongdor T.75 lak na Lumsurvey

Shillong,Naiwieng 18 : Ka kynhun Anti-Narcotics Task Force (ANTF)...

KHBBA marches in Shillong, refuses to vacate Iew Mawlong stand, warns of stir

SHILLONG, NOV 18: Refusing to vacate its stand at...

Dap smam ki booking ia ki hotel ha Shillong haduh u Nohprah | Iarap khring lang ka Cherry Blossom

Shillong Naiwieng 18: Ka Cherry Blossom kala long ka...

Mynta yn Iaid paidbah ki nongniah bos ba pyrshah ban pynkynriah jaka ieng

Shillong, Naiwieng 18: Ki driver bos hapoh ka shatri...