Shillong, Rymphang 21 : U Myntri Rangbah ka Jylla Conrad K Sangma, ula pynrem ia ka jingiakhih ba dang shen jong ka Congress ha AI Summit, da kaba ong ba kaei kaba ki leh ka long ka bym itynnad bad ka dei ruh ka rynsan ka bym iahap na ka bynta ka sain pyrthei.
“Ka drama ba dang shen jong ka Congress Party da kaba iakhih khlem phong sotpi ha AI Summit ka dei ka bym itynnad. Ha kum kine ki jaka, ki Nongialam bad ki seng sain pyrthei ki dei ban ia ieng ryngkat ban rah ia ka nam jong ka Ri. Kam dei ka rynsan ban ialeh politics…ka dei ka mur jong ka Ri bad kum ki nong India, kane ka wan nyngkong eh,…” ong u Conrad ha ka jingthoh ha social media.
U Myntri Rangbah ula ban jur ia ka jingdonkam ban iatylli hapdeng ki nongialam bad ki seng sain pyrthei ban rah ia ka nam bad ka dur jong ka Ri, khamtam ha ki jingialang jong ki ri ka pyrthei.
