Guwahati, Jymmang 13 : Ka Council of Nagalim Churches (CNC) kala pynrem jur ia ki jingkulmar bad jingiaumsnam kiba jia dang shen ha Manipur bad pynpaw ia ka jingsngewsih kaba jur halor ki kam wiang ding dusmon ia ki nongkynti.
“Ka long kaba shaiong bad bym lah ngeit shuh ba ki briew kiba kam ialade ba kila shai bad kiew bha, bad kiba kam ruh ba ki ieng na ka bynta ka hok jong ki brieew ba kin don ia kum kum kane ka mynsiem ba poh ha ka dohnud jong ki” ong ka CNC ha ka kyrwoh.
Kala ong ruh ba ka CNC kala pynrem jur ia ki jingjia ba ishyrkhei ha Manipur bad khot ia baroh ki briew kiba sngewthuh ia kaei kaba dei bad ba lait, ba kin pynrem jur ia ki kam pyntriem ba palat liam jong ki briew kiba donkti ha lyndet kane ka jingjia baroh.
“Naduh ka dohnud jong ngi, ngi duwai ia ka jingpyntngen jong u Blei, ngi phah ia ka jingsngewlem sha ki Longiing kiba la duh noh iala ki baieid ba thoin, kumjuh ruh, ia baroh kito kiba mynsaw ba kin koit noh da ka jingkyrkhu jong u Blei bad ruh, ka jingsuk kanwan sha kito kiba la shah ktah jur na kine ki kam pyntriem ba shyrkhei” kala ong.
Ha kawei ka liang, haduh 10 ngut ki MLA kiba dei na ka Jaidbynriew Kuki ha ka Jylla, kila dawa ban phiah noh ia ka Jylla Manipur.
Kine ki 10 ngut ki MLA ki dei u Haokholet Kipgen (Saitu), Ngursanglur Sanate (Tipaimukh), Kimneo Haokip Hangshing (Saikul), Letpao Haokip (Tengnoupal), LM Khaute (Churachandpur), Letzamang Haokip (Henglep), Chinluthang (Singngat), Paolienlal Haokip (Saikot), Nemcha Kipgen (Kangpokpi) bad Vungjagin Valte (Thanlon).
