Shillong Iaiong 12: Ka Voice of the People Party (VPP) hynne ka sngi Thohdieng, kala pynrem jur ia ka jingshah pyniap uwei u nongbylla bar Jylla ha Mawlai Mawroh, kaba la jia ha kine ki sngi kiba ladep.
“Kum ka seng kaba burom ïa ka Riti Synshar jong ka Ri bad ïa ki nongrim jong ki aiñ ki kanun, ka pynrem jur ïa ka jingpynïap im im peit peit ïa uwei u nongbylla ha Mawlai Mawroh ha kine ki sngi ba la dep” ong ka Nongaiktien ka VPP u Bah Batskhem Myrboh ha ka kyrwoh khubor.
“ Mano mano ruh kim don hok ban shim jyndat ïa ka mynsiem jongno jongno. Ka hok ban im ka dei ka hok longbriew manbriew jong uwei pa uwei u briew la u dei na kano kano ka jaitbynriew, ka jait ne ka niam bad ïa kane ka hok la pynskhem ha ki aiñ satlak ka pyrthei bad ka Ri” ula bynrap.
Une u Nongialam ka NPP ula ong “Ngi kyntu namar kata ïa ka Sorkar Jylla ban shim ïa ki lad ki lynti ban pynthikna ba ka aiñ kadei ban treikam bad ba kiba donkti kin ïoh ïa ka jingpynshitom katkum ki kyndon” .
U Nongialam ka VP ula ong ruh ba kane ka jingjia kala pynjah burom shibun eh ïa kane ka jylla jong ngi kaba la bna nam namar ki kam pynkheiñ aiñ bad ki kam bamsap ba la leh da kito kiba don ha ka bor.
 hynne ka sngi Thohdieng, kala pynrem jur ia ka jingshah pyniap uwei u nongbylla bar Jylla ha Mawlai Mawroh, kaba la jia ha kine ki sngi kiba ladep.){kind=link}