spot_img

Pynrem ka NPP-Ri-Bhoi ia kiba thmu sniew ia ka MDC da ka jinglun maw

Date:

Share post:

Nongpoh, Iaiong 11: Ka National People’s Party (NPP)-Ri-Bhoi District bad Umsning Block, kila pynrem jur ia ki riew bymman kiba thmu sniew ia ka MDC ka party na Umsning Kong Macdalyne S Mawlong, da ka jingleit lun maw ia ka Iingsah jong ka hynnin ka janmiet ha Mawlein Mawkhan (Ladsharai).

“Ka NPP-Ribhoi bad Umsning Block ka pynrem jur ia ka jingleh riewkhlaw jong ki riew bymman, kiba la leit thombor ia ka Iingsah ka MDC” ong u Bah Clement Mawlong, President ka NPP-Ribhoi haba iakren bad ki nongthoh khubor.

Lah ban kdew hangne, ka Iingsah jong ka MDC Kong Macdalyne kala shah lun maw hynnin ka janmiet ha ki riew runar ki bym lah satia ban tip ki dei kiei. Kane ka jinglun maw kala jia ha ka por ba kane ka MDC ka dang ieng kren phone ha phyllaw iing bad kala shu lait salit na ki jingma.

Ka jinglun maw ruh ka dei kaba la thmu beit beit ia kawei ka kamra ba pynlong Ophis da kane ka MDC ban iakynduh ia ki paidbah.

“Ka MDC ka dang ieng ha phyllaw jong ka Iing sah ha ka por ba shah lun maw ha ki briew kiba iaid lynti, kiba don ka jing thmu ban pynmynmaw ia i da kaba kawang maw. Ngi sngewnguh ia u Blei uba la da ia i (MDC) na katei ka jingthmu ba sniew jong ki runar” ong u Bah Clement.

Kane ka jingjia kala wan jia ruh hadien arsngi ba mih ka huri hura ha ka jingialang ialap elekshon jong ka NPP kaba long ha Umsning. Kane ka huri hura kala mih na ka jingwan pynthut jong ki nongkyrshan ka VPP ia kane ka jingialang.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...