spot_img

Pynrem ka KSU ba phah weng ka Sorkar ia ki banner ba pynkynmaw ia ka jingjia Mukroh

Date:

Share post:

Shillong, Naiwieng 22: U general secretary ka Khasi Student Union (KSU) u samla Donald V Thabah hynne ka sngi ula pynrem jur iaka Sorkar Jylla kaba ba bthah iaki Pulit ban weng mardor iaki Banner bad iaki Flex kiba ka seng kala wah ban pynkynmaw iaka jingdap shisnem ka jingshah siat iap ki 5 ngut ki nongshong shnong ka shnong Mukroh, West Jaintia Hills.

La iohi ba tang hadien katto katne por ba ki dkhot ka KSU kila leit ban wah iaki Banner bad iaki Flex, ki Pulit ka Nongbah Shillong kila leit ban weng noh ia ka banner bala wah hajan ka Main Secretariat bad ha ki katto katne ki jaka hapoh ka Nongbah.

Haba kren sha ki lad pathai khubor u samla Donald ula ong “Kane ka jingweng iaki Banner bad iaki Flex ka lah ban dei baka Sorkar kam kwah baki heh na kiwei ki Jylla ka Ri India kin iohi iaki jingthoh baka seng ka thoh halor kane ka jingshah thombor ki trai ri trai muluk ka Jylla haki Pulit Assam”.

U samla Donald ula kynnoh ruh ba ka Sorkar Jylla kam kwah ba ki heh naka Jylla Assam kin iohi ba ka Meghalaya ka don hapdeng ka jingshah thombor namar kane ka lah ban wanrah ka jingshah kynhit haki heh ka Sorkar Assam.

“Ka jingkylli kaba ngi hap pyrkhat mynta ka long. Lada tang ban wah iaki Banner bad iaki Flex ruh kim nud ban pyni hakhmat ka Sorkar Assam. Mutdur yn da kila don ha miej ban iakren pynbeit pud bad ka Assam. Hato ki nud ne em ban ang ban kam iaka Mukroh, Lapangap, Khanduli bad iaka Langpih nalor kiwei kiwei” la buh jingkylli u samla Donald.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...