Shillong, Risaw 09: Ka Hynniewtrep Youth Council (HYC) kala pynrem jur ia ka jingshah pyniap jong u heprit Kyrshanbor Kharmudai (7 snem ka rta) uba shong ba sah ha Nongrah.
Lah ban kdew ba u heprit Kyrshanbor ula jah nala iingsah na Nongrah Lum Marboh haka por 4:30 baje janmiet haka 8 tarik bad hynne ka step la lap iaka met ha rud surok hajan ka khlaw Mawpat.
Haka kyrwoh ka HYC ka la pynpaw ia ka jingbitar halor katei ka jingjia, da kaba buh jingkylli ia ka jinglah jong ka Sorkar ban pynthikna ia ka jingshngain ha ka Jylla.
“Ym dei ban shah ia kum kine ki kam runar, bad ka dei ka kamram jong ka Sorkar bad ki bor ka ain ban iada ia ki nongshong shnong bad ban iada na kum kine ki jingjia ba sngewsih” la ong ka kyrwoh.
Ka HYC ka la buh katto katne ki jingkylli ha kaba iadei bad ka bynta jong ka Sorkar ban pynthikna ia ka jingshngain da kaba kylli mano ban shim ia ka jingkitkhlieh ia kum kine ki jingjia bad ban pynthikna ba ka ain kan iada ia baroh ki nongshong shnong.
“Hato ka Sorkar bad ki Pulit ruh ki don ka jingkitkhlieh ban noh synniang sha ka jingkiew jong ki kam runar ha ka jylla?” la kylli ka HYC.
Ka HYC ka la ban jur ba ka roi ka par ha ka Jylla kam don jingmut khlem ka jingshngain. “Kaei kaba ngi donkam ka long ka jingshngain bad ka dei ka kamram jong ka Sorkar Jylla ban pyndep ia ka” la ong ka HYC.
Ka HYC ka phah ruh ïa ka jingsngewlem sha kiba ha ïing ha sem jong u heprit Kyrshanbor Kharmudai da kaba pynpaw ïa ka jingïasnohkti lang bad ki ha kum kane ka por kaba sngewsih.
 kala pynrem jur ia ka jingshah pyniap jong u heprit Kyrshanbor Kharmudai (7 snem ka rta) uba shong ba sah ha Nongrah.Lah ban kdew ba u heprit Kyrshanbor ula jah nala iingsah na Nongrah Lum Marboh haka por 4:30 baje janmiet haka 8 tarik bad hynne ka step la lap iaka met ha rud surok hajan ka khlaw Mawpat.){kind=link}