Shillong, Risaw 09 : Ka National People’s Party (NPP) ba synshar ia ka Jylla, kala khot thep kyrteng ia ki briew kiba kwah ban iakhun kum ki kyrtong ka party ha ka elekshon sha ka Iingdorbar Garo Hills Autonomous District Council (GHADC), ka ban long ha u snem ban wan.
Kat kum ka jingpynbna bala pynmih da ka Election Committee, ki kyrtong kiba kwah iakhun ia ka elek shon ki lah ban shim ia ka phorm aplikeshon na ka Ophis ka NPP ha Hawakhana, West Garo Hills District, Tura bad ka Ophis ki District President/Secretary ha East Garo Hills, South Garo Hills, North Garo Hills bad South West Garo Hills, ka ban sdang naduh ka 10 tarik Risaw, 2025.
Ia ka phorm bala dep pyndap, nalor ka jingsiew bym pynphai shuh ba T.25,000, dei ban aiti sha ki nongtrei bala buh hapdeng ka 15 tarik Risaw haduh ka 14 tarik Naiwieng.
Ki aplikeshon ki dei ban kynthup ia ki kot ki sla kum ka caste certificate, ki syrnot kyrdan pule, EPIC bad Aadhaar Card.
Ki nongtrei kiba la buh ban pdiang ia ki aplikeshon ki dei u : Dr JD Sangma, Member-Secretary, Election Committee, MN Marak, NPP general secretary bad baroh ki district presidents bad Secretaries jong ka party.
 ba synshar ia ka Jylla, kala khot thep kyrteng ia ki briew kiba kwah ban iakhun kum ki kyrtong ka party ha ka elekshon sha ka Iingdorbar Garo Hills Autonomous District Council (GHADC), ka ban long ha u snem ban wan.){kind=link}