Shillong, Lber 10: Ka Hynniewtrep National Youth Front (HNYF) ha ka sngi Ba-ar, ka la pynrem jur ïa ki jingthmu jong ki kyrtong bar jylla ban ïakhun ïa ka elekshon sha ka Garo Hills Autonomous District Council (GHADC), haba kdew ba ka khyrnit ba hynriew (Sixth Schedule) ka dei kaba iada kyrpang ia ki riewlum.
Ha ka kyrwoh, u President ka HNYF Bah Sadon K Blah u la ong ba ka Paragraph 3 jong ka khyrnit ba hynriew ka ai bor ia ki jaitbynriew riewlum, lyngba ki Autonomous Council, ban thaw ain halor ka khyndew ka shyiap, ki khlaw ki btap, ki riti dustur bad ka jingioh pateng.
“Mano ba lah ban sngewthuh ïa ki rukom im jong ki riewlum kham bha ban ïa u riewlum hi,” la buh jingkylli u Bah Sadon da kaba bynrap ba ki kyrtong bar jylla ki dei ban sngewhun ïa ki aiñ Sharia lajong bad ban ym pynthut ïa ki hok riti synshar jong ki riewlum.
Ka HNYF ka la kyntu ruh ïa ka Sorkar Pdeng bad iaka Sorkar Jylla ban buddien ïa ki bynta ka them Garo Hills, da kaba kynthoh ba ka dei ka jaka ba jur bha ka jingwan buhai shnong beaiñ bad dawa ïa ki paidbah Muslim ba kin nym tuklar ïa ka jaitbynriew Garo kaba imsuk imsain.
“Ngi kyntu ia ka Sorkar Pdeng bad ka Sorkar Jylla ba kin peitngor kham bha sha ki jaka them jong ka ri lum Garo namar ba ka la long ka jaka ba jur bha ka jingwan buhai shnong beain. Kumta, ngi khmih lynti ba ki paid Muslim ha ri lum Garo kin kyndit bynriew ban nym tuklar bad ban pynthikna ia ka jingsuk bad jingiatreilang haka imlang sahlang kumba ka ju long hapdeng ki jaidbynriew Garo da ka bynrap baka Seng ka kloi ban kner ki kti ban iarap iaki jaidbynriew Garo lada ka jinglong jingman hapoh ka thain kam pat long shngain” u la ong.
 ha ka sngi Ba-ar, ka la pynrem jur ïa ki jingthmu jong ki kyrtong bar jylla ban ïakhun ïa ka elekshon sha ka Garo Hills Autonomous District Council (GHADC), haba kdew ba ka khyrnit ba hynriew (Sixth Schedule) ka dei kaba iada kyrpang ia ki riewlum.){kind=link}