Shillong, Nailar 25 : Ka Hynniewtrep National Liberation Council (HNLC) ha ka sngi Thohdieng, kala pynrem jur ia ka jing leh tohmet bad pyndonkam bor ki Pulit pyrshah ia ki riew paidbah kiba iakhih ban pyrshah ia ka jingpynheh ia ka karkhana dewbilat ha Thangskai, East Jaintia Hills District.
Ha ka kyrwoh, u General Secretary cum- Publicity Secretary ka HNLC Bah Sainkupar Nongtraw ula ong “ Nalor kane, ka HNLC ka pynrem ruh ia ka jingle jong ki Pulit, bala ialam da u SP bar Jylla. Ka jingtih marpoh khyndew da ki karkhana dewbilat bad karkhana coke kala lam sha ka jingjaboh ka um bad ka mei mariang”.
Ula ong ba ka HNLC ka banjur halor ka jingdonkam ban pynkut noh ia ka jingiakajia hapdeng ki paid riewlum jong ka Jaidbynriew Hynniewtrep.
“Ngi khein ialade kum ka Ri ba shah nion bein kaba mad ia ki buit ban phiah bad synshar bala pyntreikam da ka Sorkar, kaba la pyniaid da ki briew ki bym don ki paid Hynniewtrep. Ka long kaba kongsan ia ki paid Hynniewtre ban sangeh ia ka jingialeh bad iashrut hapdeng jong ki, khamtam lei ki Pulit ka jaidbynriew Hynniewtrep kidei ban iada iala ki jong ki briew ha ka jaka ban shoh ban bom ia ki tang ban pynhun iala ki kynrad bad ki nongkhaii kiba dei nabar ka Jylla” ong u Bah Sainkupar.
