Shillong, Rymphang 25 : Ka Federation of Khasi Jaintia and Garo People (FKJGP) Mawlai Circle ka pynpaw ia ka jing sngewkhia halor ka jingsaphriang ki dur khih (Video) ha ki rynsan Social media, kiba pyni ia ka jingiashoh iadat hadeng ki nongkyrshan jong ki seng saiñpyrthei hadien bala dep pynbna iaka result jong ka Election MDC 2025.
Kat kum ka kyrwoh na u General Secretary Bah Varzellino Lyngdoh la ong “Ka jingmih kum kitei ki jing ia shoh iadat ka la pynhiar dor iaka akor ka burom jong ka jaitbynriew. Kum ka seng kaba imsngi ban peit na ka bynta ka bha ka miat jong ka shong ka thaw bad ia ka jaitbynriew hi baroh kawei bad ka bym iashah liang ha ka kam saiñ hima sima ka pynrem jur ia kum kitei ki jingjia kiba lah ban ktah iaka shongsuk shongsaiñ ha ka shnong Mawlai pyllun hi baroh kawei”.
Ka FKJGP Mawlai Circle ka kyntu iaki shnong ki thaw ba kin long kiba peitngor ia kiba kum kitei ki jingjia bad ha kajuh ka por ka kyntu ia ki bor jong ka aiñ ba ki dei ban shimkhia halor katei ka bynta khnang ba kan ym ktah iaka shongsuk shongsain ha ka shnong Mawlai.
“Ka seng ka dap da ka jing sngewkhia kaba khraw halor ka jingmih kum kitei ki jingjia namar ka jylla hi baroh kawei ka ju phaikhmat sha ka shnong Mawlai ba ka dei ka shnong kaba ia im ia sah tang para jaitbynriew Khasi bad ka shnong kaba ju kyrshan tylli ia kino kino ki jingiakhih jong ki kynhun bapher bapher na ka bynta jong ka ri bad ka jaitbynriew, hynrei ka jingmih kum kitei ki jingjia kan phalang da kumwei pat sha kiwei pat ki jaitbynriew kiba ap khmang ban pyn iapait iapra bad ban pharia ka ka jaitbynriew Khasi” ula ong.
Kyntang iawai ka FKJGP Mawlai Circle ka kren da kaba shai ba kum ka seng ka pdiang ba kita ki nongkyrshan jong kano kano ka seng saiñhima ki don hok ban leh kmen leh sngewbha hadien ba u kyrtong uba ki kyrshan u la ioh iaka jingjop hynrei kim dei pat ban pynmih ia ki kynrum kynram da kaba leit ban pynshrai lane pynbitar ia ki kynhun kiba mad iaka jing shah rem.
Kumta ka seng ka kyntu ia ki paidbah ba kin long kiba duriap kumno ban iatei iaka jaitbynriew namar ba ka election hi ka wan tang shisien san snem ym ban ia buiaid Election sah lane ban ialeh pyrshah sah ha baroh ki san snem.
 Mawlai Circle ka pynpaw ia ka jing sngewkhia halor ka jingsaphriang ki dur khih (Video) ha ki rynsan Social media, kiba pyni ia ka jingiashoh iadat hadeng ki nongkyrshan jong ki seng saiñpyrthei hadien bala dep pynbna iaka result jong ka Election MDC 2025.){kind=link}