Shillong, Naitung 20: U Myntri Rangbah ka Jylla Conrad K Sangma, ha ka sngi Palei, ula pynrem jur halor ka video ba shah pyniaid lyngkhuit ki arngut ki Kynthei ha Manipur haba dawa ba ki nongleh ia kane ka kam bymman ki dei ban ioh ia ka jingpynsajia kaba tasam tam.
Haba kynthoh hapoh ka Twitter, u Conrad ula ong “ Ym i lah peit satia ia ka jingjia ba dang shen ha Manipur. Ban shim noh ia ka burom ka ijot jong kino kino ki briew ka dei ka kam ba pynjah burom tam bad kaba pyrshah ia ka longbriew manbriew. Nga pynrem jur ia kum kine ki kam. Ki nongleh ia kane ka kam ki dei ban ioh ia ka jingpynsajia ba tasam tam”.
Extremely disturbed by the recent incident in Manipur. Stripping any human of their dignity is the most demeaning and inhumane act. I strongly condemn such actions. Guilty should be given the harshest punishment.@AmitShah @NBirenSingh
— Conrad K Sangma (@SangmaConrad) July 20, 2023
U Myntri Rangbah ka Manipur N Biren Singh ula ong “Ka jingkhynra kaba jur kala iaid mynta ha ki jaka ba suba jia katei ka jingjia bad la bthah ruh ia ka Cybercrime ban pynthikna ia kane ka video. Hynnin ka miet hi, ngi la lem ia uwei ubriew ba hakhmat eh, uba donkti ha kane ka kam ba sngewtriem”.
#WATCH | Manipur CM N Biren Singh says, "Mass combing operation has started in the suspected areas, also cybercrime has been asked to verify the authenticity of the video. Last night itself, we have arrested one main culprit involved in this heinous crime." pic.twitter.com/UxtYN3uyhc
— ANI (@ANI) July 20, 2023
Uwei u Heh Pulit ula iathuh “Ngi la dep ithuh ia ki briew ba donkti bad shen ngin sa kem ia ki” haba bynrap “Kine ki arngut ki Kynthei ba shah leh beijot kila wan mih sha ki Pulit hadien 15 sngi ba jia kane ka jingjia ba sngewtriem.”
Pule lang ia kane: Dep pynkhuid lut ka MeECL ia ka ram sha ki kompani pynmih bording :Sanjay Goyal
