Shillong, K’lyngkot 23 : Ki dkhot ba pawkhmat ka Shillong All Faiths Forum (SAFF) kila pynpaw ia ka jingbym sngewtynnad halor ka jingkam jong ka Kutumba Surakshya Parishad (KSP) na Assam, ba ka jingiakynad ba dang shen ha Mawkynrew ka dei ka jingleh bym burom ia kiwei ki niam.
“Ka SAFF kam pdiang satia ia kane ka Seng kala pyni ia ka jingnang pynbitar ia ka jingjia Mawkynrew ban pynheh sha ka jingiakynad ne iapait iapra. Kane ka dei kajuh ka seng kaba la byrngem dang shen ia ki briew jong ngi da ka pakhang surok halor kawei pat ka kam ba iadei bad ka kam jngohkai ha ka Jylla jong ngi” ong u Vice President ka SAFF Bah Noor Nongrum ha ka kyrwoh.
U bah Noor ula ong ba na ki khubor ha ki lad pathai khubor la iohi ba ki paidbah kiba iadon bynta ha ka jingjia ha Mawkynrew kim dei kiba la ithuh na ka jingiadei niam bad ka long kaba bakla shibun ia ka KSP ban shu pynmut bad kynnoh ia ki paid Khristan ha kane ka rukom.
Ka SAFF ka kyntu ruh ia ki paidbah bad ia ki nongialam shnong jong ka thain Mawkynrew ban iatreilang bad ki bor ba dei khmih ha kaban pynbeit ia kane ka kam da ka jingiasngewthuh jingmut lang bad ban peit ba ka jingsuk bad ka suk ka sain kan neh ha ka thain.
 kila pynpaw ia ka jingbym sngewtynnad halor ka jingkam jong ka Kutumba Surakshya Parishad (KSP) na Assam, ba ka jingiakynad ba dang shen ha Mawkynrew ka dei ka jingleh bym burom ia kiwei ki niam.){kind=link}