spot_img

Pynrem jur ka NHWU ia ka jingshah batbor & jingshah pyniap ka Doktor

Date:

Share post:

Shillong, Nailar 17: Ka Nazareth Hospital Workers Union kala ai jingkyrshan ia ka jingiakhih ki doktor ha kylleng ka ri India ba la ialam da ka Indian Medical Association (IMA), ha kaba iadei bad ka jingshah batbor bad ka jingshah pyniap klep kawei ka doktor kaba don hapoh ka kam ban ai jingshakri.

“Ka NHWU ka sngewlem bad ha kajuh ka por ka pynrem ruh ia kum kine ki riewthrang snam kiba la dkhat noh ia ka hok longbriew manbriew katei ka doktor da kaba shim noh ia ka jingim bakordor jongka. Ka jingthombor ha kano kano ka jaka kadei kaban pynrem bad dei ban thwet bad pynshitom ia kine ki riewbymman katkum ki aiñ” la pynpaw u Bah Kenneth Swer u President ka NHWU ha ka kyrwoh khubor.

Ka Union ha ki jingdawa na ka por sha ka por ka lah banjur ia ka jingdonkam ia ka jingkitkhlieh na ka liang ki bor pyniaid Hospital ba kin shimkhia ia ka leit buh leit on ia la ki nongtrei khamtam ki kynthei ynda la slem than ka por mih napoh hospital.

“Ka Union ka kyrmen ba ki bor pyniaid hospital bapher bapher hapoh ka jylla kin shimkhia ia kane khnang ban pynthikna ia ka jingshngain ha ka leit ka wan ka jong iwei pa iwei i nongtrei” la pynkut u nongialam ka NHWU.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...