Shillong Lber 11: Ka Khun Hynniewtrep National Awakening Movement (KHNAM) kala pynrem jur ia ka Longkmie Khasi kaba la phah lane mut phah ia ka shithi sha ka Sorkar Pdeng ban sdang ia ka jingtih Uranium hapoh ka jylla.
Katkum ka kyrwoh na u Working President ka KHNAM u Bah Thomas Passah, ula ong “Hadien ba la iohi ia ka jingmih pyrthei biang ka kam tih Uranium ha ka jylla ha kaba kawei ka Longkmie Khasi lyngba ka Company shimet kala phah lane mut phah sha ka Sorkar Pdeng ban sdang biang ka jingtih Uranium, kum ka seng kaba la pyrshah ia ka jingthmu tih ia une u marpoh khyndew naduh ba sdang, ngi kwah ban pyntip sha baroh khamtam eh sha ka Sorkar Jylla bad ka Sorkar Pdeng ba ngin iai pyrshah ia kane ka jingthmu bad ba ka sorkar pdeng kadei ban tep noh ia kane ka mat”.
U Bah Passah ula ong ba, “Ka jingsngapjar kadei ka jingiamynjur namar kata, kum ka seng ngi sngew ba kan long kaba bakla lada ngi shu sngap, ioh don kiba mutdur da kumwei ia ki nongrim kiba ka seng ka ieng. Ngi kyrpad ruh ia ki para Khasi jong ngi ba kim dei ban pynmeh biang ia ka ding ba la lip”.
U Bah Passah ula pynkut ruh da kaba ong, “Ba ka KHNAM da lei lei ruh kan ym shah ban tih ia u Uranium hapoh ka rilum Khasi Jaintia namar kan buh ia ka jingim briew ha ka jingma kaba khraw”…
 kala pynrem jur ia ka Longkmie Khasi kaba la phah lane mut phah ia ka shithi sha ka Sorkar Pdeng ban sdang ia ka jingtih Uranium hapoh ka jylla.){kind=link}