Shillong, Rymphang 18: Ha ka 17 tarik mynta u bnai, ki shipai BSF ha ki jingtehlakam iaki kam khaii tuh ha khappud, kila ioh ban kurup ïa ki tiar bapher bapher kiba shongdor palat T.21 lak.
Ia kine ki mar la ioh kurup na ki thain khappud hapoh ka thain West Garo Hills district.
Hadien ba ioh jingtip, ki shipai BSF ka 22 Battalion kiba la peitngor bha, ki la ioh lad ban khanglad iaki kam khaii tuh ia ki mar sha Bangladesh.
Hapdeng ka jingiohi noh iaki shipai BSF, ki nongkhaii tuh ki la phet krad noh na katei ka jaka, da kaba shim kabu ia ka jaka khlaw.
Ia ki tiar ba la ioh kurup la aiti sha ki bor ba dei peit jong ka ophis Custom ban tohkit bad ban leh ia kaba donkam.
