Aizawl, Naiwieng 19 : Ka Ri India kala pynphai pat sha la iing ia ki 29 ngut ki shipai Myanmar hynne ka sngi U Blei, kiba la wan phet sha Champai District ka Mizoram ha ka 16 tarik Naiwieng na ka ktem jong ki ha Tuibual kaba la ioh kurup da ki kynhun kiengatiar ki paidbah.
Kat kum ki heh Sorkar, artylli ki helicopter ka Indian Air Force (AIF) hynne ka sngi U Blei, kala kut ia kine ki 29 ngut ki shipai Mizoram na Champai, Mizoram sha Moreh kaba don ha Manipur bad la aiti noh ia ki sha ki bor khmih ki shipai Myanmar.
Haba iakren bad ki nongthoh khubor, u Inspector General of Police ka Myanmar Lalbiakthanga Khiangte ula ong ba ha ka 16 tarik Naiwieng, haduh 29 ngut ki shipai Myanamr kynthup u Major bad u Captain kila wan phet rieh sha Champai District ka Mizoram.
Kine ki shipai ki dei n aka ktem ha Tuibual, Chin state ba marjan ka khappud India-Myanmar. Kine ki shipai kila wan jam n aka wah Tiau ha ka sngi Palei ban rung sha Mizoram bad ban pan jaka rieh na ka ri India.
Ka sor Moreh kaba jngai kumba 110 Km na Imphal, Manipur, ka dei ka jaka khaii ba hehduh ha khappud ka India bad Myanmar.
