Shillong, Nailar 02: U Myntri ka tnat Animal Husbandary u bah A.L Hek hynne ka sngi ula ong ba ka sorkar kam lah ban pyniaid hi iaki kam ri jingri kum ka jingri syiar ne sniang hynrei kala ailad iaki paidbah lyngba bun tylli ki skhim.
Lah ban kdew ba hak a 1 tarik mynta u bnai ki nongialam ka Federation of Khasi Jaintia and Garo People (FKJGP) kila wan kynduh ia u bah A.L Hek ban dawa ban sdang noh daka Poultry bad Piggery Mission ha Mawkyrwat.
Haba kren sha ki lad pathai khubor u bah Hek ula ong ba lada iaki kam ri jingri yn pyntrei daka Sorkar, bun ki projek jong ka sorkar kin ym treikam kumba la khmih lynti.
“Ha baroh ki District jong ka jylla, ki don ki ophis jong ka tnat Veterinary bad naka liang ki paidbah ki lah ban applai iaki skhim bapher bapher bad naka liang ka sorkar kan iarap iaki paidbah ban ioh ri jingri la ka dei ban ri syiar ne ri sniang” la ong u bah Hek.
U bah Hek ula ong ba lada ka sorkar ka pyntrei ia kano kano ka kam lane ki Projek kham niar eh ba kin long kiba seisoh bad dei namar kane ka sorkar lyngba ka Poultry bad Piggery Scheme, ka ai jingiarap iaki paidbah ban sengkam ban ioh kamai kajih bad ban kyntiew iaka ioh ka kot hala ki shnong.
“Lada ki paidabh ki pyntrei hi iaki skhim, ki ioh ruh ban ai kam ai jam iaki khun samla bad kan iarap ban kyntiew iaka ioh ka kot” ula ong.
Haba kylli hato ka jingpang Swine Flu ka ktah ne em iaka Piggery Mission, u bah Hek ula ong “Ka jingpang kam ktah ia baroh hynrei ki don katto katne ki jaka kiba shah ktah na kane ak jingshah lynshop ka khlam Swine Flu ha ki por bala dep”.
 kila wan kynduh ia u bah A.L Hek ban dawa ban sdang noh daka Poultry bad Piggery Mission ha Mawkyrwat.){kind=link}