Shillong, Naitung 29 : Ki Pulit ka Sadar Police Station, kila pynngat ha ki artylli ki kyndon ka ain Bharatiya Nyaya Sanhita (BNS) pyrshah ia u nongiasaid ain uba shah kynnoh jrong kti khlem akor ia kawei ka samla pule law ba wan leh intern bad u.
Ki Pulit kila register case pyrshah ia une u nongiasaid ain hapoh ka Sadar Police Station Case No. 265/2026 bad pynngat hapoh ka kyndon 74 bad 75 jong ka Bharatiya Nyaya Sanhita (BNS).
Ia kane ka case la register halor ka ejahar bala mudui da kane ka samla ha ka sngi Ba-ar, kaba la kynnoh ba kane ka jingjia kala jia katba ka dang leit leh intern hapoh ka jaka treikam une u nongiasaid ain kaba don marjan ka Goenka Engineering Works.
La kynnoh ruh ba une u nongiasaid ain ula pyrshang ban tyrwa ia ka da ka pisa bad kyrpang ba kan wan iakynduh biang ia u ha ka sngi Saitjain. Kane ka samla, kala pyntip iala ki paralok parajor hashuwa ba kan leit sha ki Pulit ban buh ia ka jingujor.
U Superintendent of Police (City) Bah Dangsan Khyriem ula ong ba ia kane ka jingujor la mudui ha ka 28 tarik Naitung bad ia ka case la register hapoh ka Bharatiya Nyaya Sanhita.
Une u Heh Pulit u pyntip ba ka jingtohkit kala sdang ban pynthikna ia kaei kaba jia bad ban leh ia kaba donkam kat kum ka ain.
 pyrshah ia u nongiasaid ain uba shah kynnoh jrong kti khlem akor ia kawei ka samla pule law ba wan leh intern bad u.){kind=link}