spot_img

Pynmih ka DC ia ki jingbthah ban iada ia ki jingim ki paidbah ha ka aiom slap

Date:

Share post:

Shillong, Jymmang 8: Ka Deputy Commissioner bad Chairperson ka District Disaster Management Authority (DDMA) ka East Khasi Hills District Kong RM Kurbah kala pynmih ia ka jingbthah ba maham ia ki paidbah ba kin long kiba husiar bad adkar bha ialade ha kane ka aiom slap.

Kat kum ka jingmaham, ka DC kala bthah ia ki paidbah ba kin da peitngor bad ban buh pynskhem bha ia ki tiar ki tar kiba lah ban shah rong haka lyer, kum ki diengthup, ki tin sop bad ki mawit ba shong synjor, ki tin theh niut, ki sign board bad kiwei kiwei ki tiar kiba lah ban shah rong noh ha ka por ba jur ka lyer.

Ka la kdew ruh ba, lada ka jingba leilieh ka long kaba jur bad ba neh slem, kan bha shibun ban nym pyndonkam ne pynmeh ia ki tiar elektrik kum ki mobile, isteri, radio, Tv bad kiwei kiwei ki tiar kiba pyndonkam da ka bor elektrik.

Ka DC kala maham ruh ia ki paidbah nong shong shnong ba kidei ban phikir ban iada ialade namar ka jingshlei um ka lah ban jia hadien jong ka jinghap u slap khamtam ha ki jaka kiba don harud wah bad ki wahduid.

Kumta, la kyntu ia ki paidbah ban kiar na kaba jam ia ki wahduid, ki wahbah bad ki kshaid ha ka por slap namar ba ym tikna ia ka bor jong ka um kaba jyndong bad tuid sted ka lah ban rong ia ki briew.

Ka DC kala maham ruh ba kim dei ban tur ne niah kali haba don ka jingshlei um bad ban kiar ruh na ki post elektrik ban lait na ka jingshah bat ha ki bor ka elektrik.

Share post:

spot_img
spot_img

Popular

More like this
Related

Khot hajir ka GHADC committee ia u MDC ka BJP halor ka jyrsieh thung Consultant GST

Tura, Naitung 03 : Ka Special Inquiry Committee (SIC)...

Dawa ka Joint Committee ia ka Sorkar ban pyntrei kloi noh ia ka Kynshi Hydro Power Project

Shillong, Naitung 03 : Ka Joint Committee of Local...

Thaw ka Sorkar ia ka Committee Anti-Ragging ha Shillong Medical College

Shillong, Naitung 03 : Ka Sorkar Jylla kala thung...

Dawa ka Dorbar Shnong ia ka MPSCB ban nym pat plie ia ka karkhana Ferro Alloy ha Rwiang

Shillong, Naitung 03 : Ka Dorbar Shnong ka shnong...