Jowai, Risaw 20 :Ka Tnad Khasi jong ka Thomas Jones Synod College, Jowai, ha ka sngi palei kala pynlong ia ka workshop ba shisngi ba kumno ban hikai ia ka sobjek Khasi ha ki jaka pule.
Ka jingthmu jong kane ka workshop ka long ba kumno yn pynbeit ia ki khynnah naduh ba ki dang pule ha ki kyrdan kiba rit khnang ba kin ym kulmar jingmut ynda kila poi ha ki college.
Ki Nongkren ha kane ka workshop ki kynthup ia i Prof (Dr) Antoinette Kharmalki bad Balarishisha Nongkynrih, iba dei I Asst. Professor ka Shillong College.
I kong Nongkynrih ila ong ba ka dei ban don da ka buit ba hap ba pyndonkam ha ki kamra klas haba iadei bad ka thoh ka tar bad kumno ban hikai ia ka ktien.
Ila ong ba kum ki Nonghikai ki dei ban tip ia ki ktien nongwei ruh khnang ba kan suk ha kaba pyndonkam ia ka grammar.
I Prof Kharmalki ila ong ba ha ka jinglong briew, ki nonghikai ruh ki dei ban ithuh bad sngewthuh ia ki khynnah skul khnang ba kin ai ban ai ka jinghikai ba kynsai tam sah ki.
Ki nongiashimbynta ha kane ka workshop ki kynthup ia ki Nonghikai jong ka sobjek Khasi na ki skul bapher bapher kiba don ha sor Jowai.
