Shillong, Jylliew 26: Kum shi bynta ban pynsngewthuh paidbah halor ka jingma ba wan na u droks, ka National People’s Party (NPP) Women’s Wing, kala pynlong daka Inter-College Debate Competition halor ka sobjek ‘Drug Policies to combat the menace of Drug Abuse and Illicit Trafficking’ ba la pynlong ha State Convention Centre, Shillong.
Kum ban shu kdew ba man ka 26 tarik Jylliew la ju rkhie kum ka sngi pyrshah droks lane ka ‘International Day against Drug Abuse and Illicit Trafficking’ ban kyrsiew thiah iaki paidbah halor ka jingma na u Droks.
Ha Shillong, iaka Inter-College Debate Competition la pynlong daka NPP Women’s Wing bad ha kane ka sngi ki samla pule na St. Anthony’s College, Umhyrpi College, Martin Luther Christian University (MLCU), Synod College, St Mary’s College bad na Women’s College Shillong kila wan shim bynta.
Haba iathir halor ka jingma kaba mih na u Droks, ka thong jong ka Inter-College Debate Competition kadei ban iathir iaki lad lynti naka bynta ban ratdkhong ia u Droks naka imlang sahlang daka ba wanrah daki Polisi ban tem iaka jingkhaii Droks bad kumjuh ruh ki lad lynti ban iarap iaki bala kyrni ha u Droks.
Ki nongiashim bynta kila kren halor ki daw ba kyrni drok ki paidbah bad kila kren ruh iaki kamram baka imlang sahlang ka don bynta ban leh ban wanrah ka jingjop haka thma pyrshah droks.
Ka samla Admita Bhattacharjee jong ka St. Mary’s College, Shillong kala jop ha kane ka Inter-College Debate Competition bad kala ioh iaka Certificate bad ka song pisa T. 10,000, iaka kyrdan la ioh daka samla Debargha Sarkar jong ka St Anthony’s College ha ryngkat ka certificate bad ka pisa T. 7,000 bad iaka kyrdan ba lai la ioh da Pynskhem L. Mawnai jong ka Umshyrpi College ha ryngkat ka certificate bad ka pisa T. 5,000.
U Myntri ka tnat pule puthi Rakkam A Sangma ula leit pynshongkun kum u kongsan bad ka MLA jong ka Sutnga Saipung ka kong Santa Mary Shylla kala long kum ka symbud kongsan.
Haba kren ha kane ka sngi u Rakkam ula ong ba ka long ka ba don kam ban pynlong ka jingsngewthuh paidbah halor ka jingma kaba mih namar ka jingkyrni droks bad kumno ban rat dkhong ia u droks naka imlang sahlang.
U Rakkam ula pynpaw ka jingdonkam ka pule puthi naka bynta ban rat dkhong ia u droks napoh ka jylla.
Ki nongbishar ha kane ka Inter-College Debate Competition ki kynthup Dr. Pakha Tersia, MD Psychiatry, Deputy Superintendent of Police Subir Sangma bad u bah David Laitphlang u President of Shillong Press Club (SPC) bad iaka jingiakop la pyniaid da u MDC bad u NPP Youth Wing Spokesperson u bah Bajop Pyngrope.
Pule ruh: Bym don nongtrei shu sarang kai ki kor X-ray ha Hospital Nongstoiñ
 Women’s Wing, kala pynlong daka Inter-College Debate Competition halor ka sobjek 'Drug Policies to combat the menace of Drug Abuse and Illicit Trafficking' ba la pynlong ha State Convention Centre, Shillong.){kind=link}