Bun ki dawai hap thied na shabar, ïathuh ki nongpang
Nongstoiñ, Jylliew 26: Ka seng Hynñiewtrep National Youth Movement West Khasi Hills District hapoh ka jingïalam u samla Tailan Star Lyngkhoi President HNYM WKHD, ha ka taiew ba la lah ka la leit ban jurip ïa ka Civil Hospital Nongstoiñ bad ha katei ka jingleit jurip la lap shibun ki jingduna ha ka rukom treikam jong kane ka jaka sumar ka Sorkar Jylla.
Kane ka seng kala iakynduh ruh ia u Dr. Z.Marak Medical Superintendent of West Khasi Hills uba la ïathuh ba ka jingdkoh treikam ka dei namar ka jingbym don briew bad jingduna ki Doctor. Ym tang katta ki mashin ban leh scanning bad ka x-ray ki la shu sarang namar ka jingbym don nongtrei.
Ha kane kajuh ka sngi, kane ka seng ka la leit ruh ban jurip ïa ka jaka pule Nurse bad la ïohi ba katei ka jaka kam i long shngaiñ ia ki samla pule nurse khamtam kiba sah hostel namar ka jingbym don jingker.
Ha katei ka sngi haba ka seng ka la kylli pyrthew na ki ba thiah pang, ki nongpang ki la ïathuh ba kiba bun ki dawai la shu thied nabar ban kaba ïoh na Hospital.
Pule ruh: Conrad : Peit thuh ka Sorkar ia ka jinglong jingman ka Khappud ka thain Pynursla-Bangladesh
