Tura, Nailar 25: Ka Tura District Cricket Association (TDCA) hynne ka sngi Thohdieng kala pynlong ia ka Trial ha Alotgre Cricket Stadium, Tura, West Garo Hills ban jied ia ki nongialehkai Cricket na ka bynta ka Under 23 Men’s bad Women’s Cricket bad ka Senior Men’s & Women’s.
Kila don palat 50 ngut ki samla shynrnag kiba la wan ban iashimbynta ha kane ka trial, katba na ka liang ki kynthei la wan ban iashimbynta tang 4 ngut.
Kine ki nongialehkai kiba bun kiba la wan kidei kiba na Tura bad na kiwei kiwie ki bynta jongka West & South West Garo Hills District.
Ki Coach bad ki Selectors na ka TDCA bad MCA kila don ha katei ka madan ban peit bniah ia ka rukom pyniaid bad ban jied ia ki samla kiba don sap kyrpang ha ka jingialehkai Cricket.
U Coach ka TDCA u Dhruba Sangma haba iakren bad Ka Shlem, ula ong, “Ki nongialehkai kiban shah jied ha ka Trail kin ioh ban iashimbynta sa ha kiwei pat ki Trial bad lada ki ialehkai bha kin ioh ban ialehkai naka bynta ka jylla bad iaka ri”.
Ula bynrap ba ka Ajima Sangma, ka nongialehkai ha ka India C Player na Tura, kala dep ban pynshisha ba ki nongialehkai na ki nongbah kiba rit ki lah ban ialehkai naka bynta ka ri India ha ka rynsan Cricket kaba heh.
Ka kynhun jong ki Selectorski kynthup ia u Lampu Sangma, MCA Selector, Salmitmat Marak, Video Analyst, MCA, u Dhruba Sangma, Coach TDCA, Sengam Momin, Coach TDCA, Moisten Marak Coach TDCA, Jaheer D Shira, Member TDCA bad Chesrang Marak, dkhot jongka TDCA.
Ha kawei pat ka liang,m ka jingbym mih bun ngut ki kynthei ban wan sha ka Trails ka pynpaw shai ba kala don ka jingduna haka rukom pynsngewthuh ia ki paidbah ne ban ialeh ban pynshlur ia ki kynthei ban ialehkai iaka Cricket ha ka District ne State Level.
