Nongpoh, Risaw 05: Ka Ri Bhoi Synod college lyngba ka English Department, hynne ka sngi Palei, ka la pynlong ia ka Literary Feast ia kaba la tip kum ka Reflection kum shibynta ban plie lad ia ki samla pule ha ka District ba kin ioh ban pyni ia ka sap ha kaba ia dei bad ka thoh ka tar kum ki Poetry, ki khana lyngkot bad kiwei kiwei.
Ha kane ka Literary Feast, la pynlong ruh ia ka Inter- College Competition ha ki jingiakop bapher bapher ba kynthup ia ka jingiakop thoh Poetry, Ka jingiakop thoh Khana lyngkot, Essay, bad Collage Making haka ba la wan ban ia shim bynta da san tylli ki College na Ri Bhoi District ba kynthup ia ka Union Christian College, Balawan College, Northern Ri Bhoi college, Eastern Ri Bhoi College, bad ka Ri Bhoi Synod college.
Ha ka Inter-College Competition, ia ka nam lah duh ha ka jingiakop thoh Poetry la ioh jop da u ka samla Bini Jamatia na ka Union Christian College, bad ha kyrdan ba ar la ioh da u samla Kyrmenskhem Nongshli na Balawan College, bad ha kyrdan ba lai la ioh da u samla Wanlumlang Mawlong na Balawan College.
Ha ka jingiakop thoh Khana lyngkot, ia ka nam lah duh la ioh da u samla Erastos Nongrum na Eastern Ribhoi College bad ha ka kyrdan ba ar la ioh rah da ka samla Kiran G. Lyngdoh na Ribhoi Synod College bad ha ka kyrdan ba lai ioh da ka samla Kajal Kumari na Balawan College.
Ha ka jingiakop thoh Essay ia ka nam laduh la ioh ban rah da u samla Hadrian Umbah na Eastern Ribhoi College bad ha kyrdan ba ar la ioh da ka samla Elisa Debarma na Union Christian College bad ha kyrdan ba lai la ioh da ka samla Eureka Makri na Northern Ribhoi College.
Ha ka Collage Making, iaka nam lahduh la ioh da ka samla Berna Mallai & Ibanylla Khymdeit na Northern Ribhoi College bad ha ka kyrdan ba ar da ka samla Sheradalyne Syiem bad Imlang Lumphui na Ribhoi Synod College, bad ha kyrdan ba lai la ioh da u samla Rajesh Reang bad u Surajit Debbarma na UCC.
Ha kane sngi la wan sakhi lang da u Babu Donboklang Ryntathiang, Head Department of English Seng khasi college Shillong bad ka kong Balakyntiew Rani, Addl Deputy Commissioner Ri Bhoi District kiba la long ruh kum ki nongbishar ha kane ka Inter-College bad la sakhi ruh da ka jingdon lang u Rev Percious Tmung Vice- Principal Ri Bhoi Synod College ki nonghikai lem bad ki samla Pule.
