Shillong Lber 22: Ka Department of Ophthalmology ka North Eastern Indira Gandhi Regional Institute of Health and Medical Sciences (NEIGRIHMS) kala pynlong ia ka Continuing Medical Education (CME) program halor ka phang “Updates in Ophthalmology” ha ka 21 tarik u Lber.
Ia katei ka prokram la plie da u Prof (Dr.) Nalin Mehta u Director ka NEIGRIHMS, ha kaba la donlang Khliehduh ka Department of Ophthalmology ka NEIGRIHMS Prof. (Dr.) Tanie Natung, Additional Professor ka Ophthalmology, NEIGRIHMS Dr. LanalynThangkhiew, ki Doctor Khmat ka nongbah Shillong ki samla pule ha ka Ophthalmology ka NEIGRIHMS bad kiwei kiwei.
Ka Prof. Natung haba ai jingkren kala banjur iaka jingdonkam ban iashimbynta shit rhem ha kum kane ka prokram khamtam kan iarap shibun ban ioh ia ki jingtip kiba kongsan bad kiba thymmai katkum kane ka juk stad kaba mynta khnang ba kin long kiba la pynkhreh pyntbit ialade ha kaba iadei bad ka jingai jingsumar ia kiba pang khmat.
Katba u Prof. Mehta ula ai jingiaroh ia ka Department of Ophthalmology kaba la pynlong ia kane ka CME program bad ula pynpaw ia ka jingkongsan ban bteng ha kaban pule bad ula pynshlur ia ki Doctor Khmat ka nongbah Shillong ba kidei ban iashimbynta ha kum kine ki jait prokram ba ioh ia ki jingtip kiba bniah khamta meh ia ka jingpyndonka mia ki kor ki bor bad ia ki tiar ki tar kiba thymmai ha kaban ai jingsumar ia kiba pang khmat.
Ki doctor khmat kila ai ia ki jingbatai kiba bniah ha kaba iadei bad ka rukom sumar ia ki khmat bad khamtam ha kaban sam lem iaki jingnang jingtip sha kiwei pat bad kala don ruh ka jingiatai ba jingiakren halor ki kor ki bor kiba thymmai khnang ba ki doctor kin tip bad nang ban pyndonkam ha ka kam ai jingshakri ka jongki.
 kala pynlong ia ka Continuing Medical Education (CME) program halor ka phang "Updates in Ophthalmology" ha ka 21 tarik u Lber.){kind=link}